NUK JETOVA ,KURRË , PËR VETE !
Herët ,vonë do vijë një ditë
E do t’iki si të tjerë
Po,po ,unë jam duke pritë
S’e “vdekur” isha kur kam lerë
Nuk jetova ,kurrë , për vete
Kam jetuar për të tjerë
Zvarrë iu solla kësaj jete
Gjallë as vdekur ,qysh atëherë
Qysh në ditën kur kam lerë
Nuk u gëzova kësaj jete
Thoshja çdo të thonë të tjerë
E s’jetova ,kurrë , për vete
Unë jetova për të tjerë
Veten time e harrova
Qysh në ditën kur kam lerë
Kurrë për vete nuk jetova
Ti që mua më lexon
Mos jeto veç për të tjerë
Lum ai që e kupton
Se jeta vjen vetëm një herë
Dava Gjoka Lleshaj , Tiranë 22 Shkurt 2022
“”””””””””””””””””””””””
PASURIA KA ME I MBYTË !
Nënëmadhja jonë parti
Ka shumë vite e martuar
E ka lindur shumë fëmijë
Sot janë rrit’ e burrëruar !
Që kur lindi nënëmadhja
U mbush shpia me fmijë ‘ plot
Djem çapkën ‘ ,vajza si sorkadhja
Me gji ,nëna , i mban dhe sot
Ca me shkollë e ca pa shkollë
I ka nëna fmitë ‘ e saj
Ca të zgjuar e mendjehollë
E s’mund t’ua hedhë askush kollaj
Nënëmadhja jonë parti
Lindi djem e lindi vajza
Që të vjedhin pasuri
Veç me thasë e jo me trasta
Merak , nëna , ka çdo ditë
Si çdo nënë , fëmijtë e saj
I ka fut’ në politikë
T’u shkojë jeta si në vaj
Një ditë ,nëna , mblodhi fëmijtë
Pa dëgjoni bijtë e mi
Tash që jeni n’politikë
Nuk do t’vuani për pasuri
Pasuri u kam lënë unë
Dhe për fmijët’ e fëmijëve tuaj
Nëse doni dhe më shumë
Vidhni ,ju , nga populli juaj
Fëmijët e nënës ,tash , janë rritë
Çdo ditë shkelin mbi këtë popull
Si qentë ,hahen për pasuritë
E i qesh ,Bota , rreth e rrotull
S’ju vjen zor nga njeri , tjetri
Dhe pse janë bij të një nëne
Nga më i riu e më i vjetri
Vjedhin ditën e n’dritë hëne
Ka me u mbet ‘ një ditë në grykë
Ç’ka kanë vjedhur tek ti popull
Pasuria ka me i mbytë
E ka me u ardhur mendja rrotull
Dava Gjoka Lleshaj ,Tiranë 22 Shkurt 2022
