RA KY HALL E S’U PAMË MË !!!
Kanë pas thënë dikur një fjalë !
Sa herë shkonim në vaki !
Na ra morti e u pamë !
Me farefis e miqësi !
Sot na erdhi një virus !
Ka zaptuar çdo shtëpi !
N’dasëm e vdekje s’t’vjen askush !
N’atë dynja shkon pa njeri !!!
Ra ky hall e s’u pamë më !
As me miq ,as farefis !
Ndoshta po ndryshon çdo gjë !
Mirë a keq, nesër do e dish !!!
Ra ky hall e më s’u pamë !
As në t’mirë e as në t’keq !
Për së gjalli ne u ndamë
Botë mizore shkofsh në dreq !!!
Dava Gjoka Lleshaj ,Tiranë 20 Mars 2020
JETË TË VRARA NË PAFAJSËSI !!!
Ti virus me emrin Korona !
Përse ,jetë të pafajshme ndale ?!
Mbushe tokën me arkivola !
E botën me lot e lave !!!
Kush do ti thotë “NDAL” kësaj dore ?!
Që po vret jetë të pafajshme !
Kush po mbjell vdekjen n’laboratore ?!!!
Kush vallë kush qenka, kjo dorë e pandalshme?!
Ju që shpikët bombën atomike !
E raketën për t’vajtur në hënë !
Si nuk mundët të gjeni formulën e një vaksine?!
Apo për njerëzimin s’qenka e thënë !!!
Ju që drejtoni botën !
A i keni sytë në ballë ?!
Shihni arkivolet që po mbushin tokën?!
E ju për të vdekurit bëheni gjeneralë !!!
Virusit ja vutë emrin Korona !
Jetët e vrara mbetën në pafajësi!
Do tu mallkojë vdekja në arkivola
Të mallkuar qofshi në përjetësi !!!
Dava Gjoka Lleshaj ,Tiranë 19 Mars 2020
