STOLI I PUTHJEVE..
Nuk e di se si mu kujtua takimi ynë i parë
E për çudi mbaj mend dhe stolin ku ishim ulur
Mbaj mend që disa çaste mbetem veç duke u parë
E më pas të dy bashkë në atë stol ne jemi puthur
Sa herë kur me bie rruga të kaloj nga ai vend
Dhe shikoj stolin ,sigurisht ,që është vjetruar
Menjëherë kujtimet me vijnë ndërmend
Bashkë me atë puthjen që kurrë s’kam për ta harruar
Në atë stol kushedi sa të dashuruar janë ulur
Sa herë them kështu me veten time
Sa ëndrra për dashurinë aty janë thurur
Eh ,sa puthje mbeten veç kujtime !
Tiranë 2 mars 2018.. Dava Gjoka Lleshaj ..
ERDHI MARSI !
Mirë se erdhe muaj Mars
Sot gjithçka po m’duket ndryshe
Eja pra ,se po t’thërras
E po të pres ty dallëndyshe !
S’ta kam prishur ty folenë
Ta kam lënë ashtu siç ishte
S’është nevoja t’ndërtosh t’renë
Eja pra moj dallëndyshe !
Po të pres si herë të tjera
Hapi krahët e fluturo
Se tash erdhi dhe pranvera
Të rrimë bashkë e më pas shko !
Dava Gjoka Lleshaj ,Tiranë 1 Mars 2020
HIPOKRIZI…
HIPOKRIZI SHPEJT MU HIQ QAFE
PSE MË RRI KËTU PËRBALLË
PA MË THUAJ ,ME MUA Ç’PATE ?
S’TË BESOJ MË N’ASNJË FJALË
N’SY MË FLET ME FJALË TË MIRA
MË NGRE N’QIELL MË LART SE RETË
IK NGA UNË HIPOKRIZI
M’LE REHAT E T’RRI E QETË
S’JU BESOJ MË FJALËVE TUA
AS BUZEQESHJES TËNDE ” T’ËMBËL”
HIPOKRIZI, IK TI NGA MUA
MOS TË PAFSHA AS NË ËNDËRR
DAVA GJOKA LLESHAJ
TIRANË 1.2.2019
