JO ,VËLLAVRASJE S’DUAM MË !
Ohh ,ç’po rënkon bjeshka e malësia
Plaga e vjetër ,prap u hap
Për rërë deti vritet rinia
Shpirti i nënës pikon gjak !
Ah bre vllazën ,ç’bëni kështu ?!
Ranë e ujë ka deti plot
Por ju ,më ,nuk jeni këtu
Mosni bre ,pashë atë zot !
Ulni armët pashë at’ zot !
Mos u vrisni për kufinj
Ranë e ujë ka deti plot
Oh, vdiq pa faj ai djalë i ri !
U vra djali ,bir i nanës
Pa e pasur një grimë faj
Sytë e saj dhe n’dritë të hanës
Do të lahen n’lot e n’vaj !
Përse vllazën u vratë ndër veti ?!
Përse rërën mbuluat me gjak ?
Sa kish’ ardhur nga kurbeti
Oh dhe ai djalë që u vra n’konak !
Ju që bëni shtet e ligje
Armët n’dorë përse ua lini
A vritet vêllau për gardhiqe ?!
Gjak shqiptari vallë a kini?!
Mosni pra ,ju lutet motra
Ulni armët përmbi dhe’
Të bashkuar ju don votra
Jo vëllavrasje, s’duam më !
