“MYSAFIRI ” I PABESË !
“Mysafirin”e njoha,sapo n’derë e pashë
Dhe pse në fytyrë ishte krejt i zi
Prap ti qenke ,me vete thashë
Që hyn e del në çdo shtëpi !
Sikur të kam parë edhe një herë
Apo këtë punë çdo ditë ,ke ti ?!
Të bredhësh derë më derë
E të hysh në çdo shtëpi !
Rrugën, ti ,si e mësove ?!
“Mysafir” a nuk më thua ?
Kujt nga dora i shpëtove ?
E ma gjete shtëpinë mua !
Disa herë fytyrën ke ndërruar
Tek askush nuk shkon njëlloj
“Mysafir” i padëshiruar
Kush nga dora të lëshoi ?!
Ik ,largohu, nga kjo derë !
“Mysafir ” me shumë fytyra
Se pas Dimrit ka Pranverë
Me plot lule ngjyra ,ngjyra !
Pa Pranverë s’ka stinë të tjera
“Mysafiri” i pabesë
Ik se tash po vjen Pranvera
S’mund t’mi vrasësh Diell e Shpresë !
Dedikuar Covid ’19 , që këto ditë ndodhet “mysafir ” i paftuar dhe në familjen time !
Dava Gjoka Lleshaj, Tiranë 22 Shkurt 2021
“””””””””””””””””””””
NANA DO TI MBLEDHË FËMIJËT
Pse Europë bëre me hile
Ndave nanën ti nga bijat
Plagë e vjetër do shërohet
Kur gjithkush të marrë të tijat
Pse u tregove kaq katile
Dhe nuk ndave siç takon
Por ta dish se për këtë hile
Koha ty veç të mallkon
Pse ja more degët pemës
Rrënjët e saj janë ngulur këtu
Pse ja shtove dhimbjet zemrës
Me këtë ndarje që bëtë ju
Do vijë dita të bashkohen
Degët e pemës ku kanë lind
Plagët e zemrës do shërohen
Nana do ti mbledhë fëmijët
