KUR JETA TË LE PA FJALË …..!!!
Kur jeta të le pa fjalë
Ti ,kurrë mos u dorëzo
Se asgjë me vete ,s’ke për ti marrë
Ndaj nisja këngës e mos ndalo !
Kur jeta të hedh në njerën anë
Mos harro se t’pret në anën tjetër
Kështu dikur e kanë thanë
Një fjalë të mençur e të vjetër !
Këndoji , ti ,jetës o njeri
Hidhi në pentagram ngjyrat e saj
Me më të bukurën melodi
E thurja këngën pa lot e vaj !
Lëre jetën të rrjedhë si një ujëvarë
E para saj mos u dorëzo
Dhe kur ajo të le pa fjalë
Merrja ti këngës ,pra , mos harro !
Dava Gjoka Lleshaj ,Tiranë 19 Korrik 2021
“”””””””””””””””””
NJË DITË ….
Një ditë do të vdes e këtë shumë mirë e di
E vetmja gjë që s’mundem ta kundërshtoj
Eh ,sa çudi !
Me gjithçka tjetër ,dua të luftoj !
Atëhere pse u dashka të dal kundër gjithçkaje?!
Për sa kohë unë do t’jem gjallë!
I them vetes ,merre jetën në formë shakaje !
Se një ditë vdekja do të të marrë !
Dava Gjoka Lleshaj Tiranë 19 korrik 2019
“”””””””””””””””
TI …… !!!
Çfar kërkon ti vërdallë botës ?!
E je bërë si hije ferri !
Pse kaq varre i hape tokës ?!
Tek njerëzimi hyri tmerri !
Çfar kërkon ti nga njerëzimi ?!
E çdo ditë u rri përballë
Hija jote e trishtimi
U merr jetën radhë pa radhë !
S’dua emrin ta përmend !
Dua jetën ta jetoj
Mos u sill vend e pa vend
Jetën zoti e krijoi !
Jetën t’gjithë e kanë të shkruar !
Që në ditën kur kanë lerë
Përse vjen hije e trishtuar ?!
E sillesh botës derë më derë !!!
