MIKS POEZIE !
Do të shkruaj sot një miks poezie
Ta shijoj vargun ashtu si të jetë
Brenda të ketë dy fjalë dashurie
Të dua ty , të dua përjetë !
Një miks me vargje dua të shkruaj
Të dala nga shpirti në thellësi
Fjalën “të dua ” dhe ti ma thuaj
E unë ta ruaj në miks poezi !
Një miks me vargje e dua sot
Ta shijojmë bashkë unë edhe ti
Brenda të ketë dashuri e lot
Ndryshe nuk quhet miks poezi !
Një miks me vargje ,shkruaje çdo ditë !
Kështu më thotë poezia , mua
Që të mos vdesin kurrë dashuritë
Nxirre nga zemra fjalën “të dua ” !
Dava Gjoka Lleshaj ,Tiranë 13 Prill 2021
“”””””””””””””””””””
GJARPËRI E XIXËLLONJA !
Duke ecur rrugës në mbrëmje vonë
Gjarpëri ,xixëllonjës i zuri pritë
Me dritën tënde moj xixëllonjë
Mi verbove mua ,të dy sytë !
Në errësirë , kurrë nuk mund të ecësh
Ju kthye gjarpërit e urta xixë
Unë të ndriçoj udhën që n’terr t’mos mbetesh
E rrugën ta kesh ti ,plot me dritë !
A mund të më thuash mua o gjarpër
A ke parë të keqe ndonjëherë nga unë ?
Ti që përdridhesh e bëhesh si drapër
Nga drita ime ,veç sheh më shumë !
Asnjë të keqe s’kam parë nga ti
Ju përgjigj gjarpëri aty në vend
Thjeshtë ,drita jote ,m’verboi këta sy
E s’mundem ta shoh ,shkëlqimin tënd !!!
Dava Gjoka Lleshaj , Tiranë 12 Prill 2021
