Dibran Fylli

Prokurorisë së Gjykatës Speciale, sot gjatë seancës i doli sheshit fytyra, dhe u vërtetua se Zyra e prokurorit të specializuar është e lajthitur nga Prokuroria speciale e Serbisë fashiste. Njëra nga prokuroret e Zyrës së Prokurorit të Specializuar, thoshte se në procesin e hetimeve ndaj ish-krerëve të UÇK-së do të mbështeten edhe në 50 dëshmitarë shtesë. Prokuroria e Gjykatës Speciale, po ashtu ka kërkuar që të ketë masa mbrojtëse për disa prej dëshmitarëve që janë pjesë e rastit ndaj krerëve të Ushtrisë Çlirimtare të Kosovës. Ndërkohë, ajo ka thënë se për rastin e ish-liderëve të UÇK-së deri tani janë intervistuar 153 dëshmitarë.

Prandaj kjo Prokurori e dështuar nuk kërkonte kohë per parashtrimin e dokumentacionit te aktakuzave, por kërkonte kohë për hetime, sepse e ka kuptuar se të gjitha akuzat e deritanishme të kërkuara e të deponuara nga Gjykata speciale e Serbisë dhe nga dëshmitarët shqipfolës e nga raportet e “komisionit për hulumtimin e krimeve të luftës”, si dhe “projekte e raposrte” tjera kundër UÇK-së, të shkruara në aktakuzat e Prokurorisë së Gjykatës Speciale janë të fabrikuara, të rrejshme, të pa baza dhe pa fakte, prandaj sot u pa qartë fillimi i dështimit të një prokurorie, e cila u mundua te paqenën ta bëjë të qenë.

Tani shtrohet pyetja:

-Ku mbeten raportet e “komisionit për hulumtimin e krimeve të luftës” të partisë flamose dredhake?

-Ku mbeti fytyra dhe nderi (nëse u ka mbetë ndonjë fije) i atyre dëshmitarëve shpirtshitur e të rrejshëm shqipfolës?

-Ku mbeti karakteri i disa deputetëve qe llomotisnin kundër UÇK-se?

-Ku do të mbesin disa deputetë që kanë financuar projekte dhe raporte kundër UÇK-së për Gjykatën Speciale?

Liria e Kosovës e ka emrin UÇK. Komisionet e shpirtshiturit shqipfolës qe i fërkuan duart e iu buzëqeshën arrestimeve të çlirimtareve, nga sot u themi mbane kokën për dhe. Koha e ka dëshmuar e do ta dëshmoi se Lufta e lavdishme e UÇK-se dhe e pjesëtarëve të saj ka qenë luftë e drejtë, luftë për liri…

Një fjalë popullore thotë: “Fytyrën e vërtet të njerëzve e zbulon atëherë kur ata nuk kanë nevojë më për ty”.