Dr. Shefki Hysa Shkrimtar

1. Sekretarja model është e bukur, inteligjente, sportive dhe mbi të gjitha e re në moshë (Pra, është Full Option).

2. Sa më e bukur Sekretarja, aq më popullor Shefi (Mundësisht të jetë Miss Albania).

3. Sa më inteligjente Sekretarja, aq më i Sukseshëm Shefi (Mundësisht të jetë e talentuar në të gjitha fushat).

4. Sa më e re Sekretarja, aq më e gjatë karriera e Shefit (Mundësisht të gëzojë sekretin e Rinisë së Përjetshme).

5. Sekretarja sportive është shoferja e Shefit (Nuk e ka marrë më kot patentën).

6. Sekretarja sportive është dhe bodyguard e Shefit (Nuk e ka ndjekur më kot kursin e karratesë).

7. Sekretarja model është gjithmonë e re në moshë, është dhe mbetet 22 vjeç (Nuk shkon më kot në palestër dhe në sallonet e bukurisë.

8. Sekretarja është nëna e babai, motra e vëllai i Shefit.

9. Sekretarja është e dashura dhe gruaja, vajza dhe djali i Shefit (Cilit Shef i duhen gruaja e moshuar dhe një tufë fëmijësh në publik)?!…

10. Sekretarja është gjithçka që kërkojnë mendja dhe zemra e Shefit.

11. Sekretarja është pasqyra dhe pronarja e Shefit.

12. Sekretarja është Shefi, dora vetë.

Kini parasysh:

Mos guxoni ta paragjykoni a kundërshtoni kurrë këtë Kod, nëse nuk doni të vriteni me Shefin, domethënë me Sekretaren!…

Dr. Shefki Hysa

Shkrimtar