Për ty lulja ime.
Tokës një ëngjëll i mungoj,
Zoti i madh,bëri llogaritë,
tek unë ëngjëllin e dërgoj,
në të njëjtën orë dhe ditë.
Më erdhe si një lule në pranverë,
hijshëm,freskët,ëmbël kur flet,
plot aromë e nur bukurie përher’
esencë trëndafili,mrekulli e vërtet’.
Bashkë u lidhëm ngushtësisht,
si në karakter dhe në mendime, tërhiqemi te njëra-tjetra,miqësisht,
si magnet,plot dashuri,moj lulja ime.
Rrëzëllitëse është buzëqeshja jote,
ashtu si Dielli kur lind në mëngjes,
më je lulja më e bukur e kësaj bote,
më je finish jete që më jep shpresë.
Ç’do ditë…ç’do çast…jam me ty,
në ç’do sfidë,nis një kapitull i ri,
bashk’ qajm’ qeshim me lot në sy,
triumf force më je ti e vetëm ti !!
© Drita Haxhillari.
“””””””””””””””””””””
Abstraksion.
Enigëm,natë a dit’ në koh’ a në vite..
të pres a më prit,më erdhe a më ike.
Ëndërr a magji,gënjeshtër a mrekulli,
sarkazëm a ironi,ekuacion ti plus ti.
Mjergullnaj’ a qartësi,hije a prezencë,
asnjëher a përsëri,serial a sekuencë.
Herët a vonë…në gjumë apo zgjuar,
as vjen as shkon,lehtas a ndërlikuar.
Mbuluar-zhveshur,portret a karikatur,
hutuar a qeshur,skicim apo pikturë.
Këtu pranë apo aty,anash a përballë,
në udhëkryq të dy,urrejtje apo mall.
Tani a më parë,as hesht as zhurmon,
demostrim pa skenar,në abstraksion.
Kujtuar e harruar,përher’ e asnjëher’
larguar e afruar,ndjenjë apo mister.
Në mbules’ a jasht’ pa çati a strehuar,
në munges’ a bashk’ nyje ngatërruar.
Njohje apo lidhje,aparenc’ a thellësi,
në ngërç a zgjidhje,formulën gjeje ti !
© Drita Haxhillari.
“”””””””””””””””””””””
Imazhi yt.
Pik loti si kristal,
rrëshqiti nga syt”
mbi buzë u ndal,
u shfaq imazhi yt.
Ardhur surprizë,
shije hidhëruar,
dehur u rrokullis,
në etje t’pashuar.
Gota mbushur plot,
për ty po ngre dolli,
në ç’do pikëz lot…
të malluar unë e ti.
Dehur në largim…
gotë malli na josh,
të zbrazur në kthim,
imazh tjetër,got’ bosh.
Buz’ kripur,në vetmi,
kjo nat’ në trishtim,
në zgjim unë e ti,
esëll në zhgënjim.
© Drita Haxhillari.
