JE NË ÇDO FRYMË E RRAHJE ZEMRE O NËNË!
Sot o nënë, edhe mua thinjat e bardha më kanë filluar.
Por thinjat e tua o nënë,unë dua në çdo çast ti përkëdhel.
Ti shtrëngoj në gjoksin tim, ti puth të ashpërat duar.
Çdo natë që ikën e më skthehet ,çdo ditë e re që çel !
Të bëhesha edhe njëherë i vogël,do kisha një dëshirë.
Të mbështesja kokën në prehrin tënd,ashtu si dikur.
Të dëgjoj rrahjet e zemrës tënde,aromën tënde të mirë.
Të më këndoje ninullat tek djepi,të të shihja plot dritë e nur!
Ah,sikur të ishe dhe njëherë e re ,unë i vogël të isha përsëri.
Rreth vatrës, të na këndoje ti,këngët e bukura Çame.
Ishim të varfër nënë ,por derdhe tek ne një det me dashuri.
O nëna ime,më bukura ndër shoqe,me jelek e me tumane !
Sot ti je plakë,po zemra e shpirti i pastër kristal,
të mbeti.
Meraku i nënës dhe vitet, ti shtuan ty rrudhat,në ballë e faqe.
Brenga filizin,që ty nënë të mungon, koha kurrë
se treti!
Për çdo rrudhë tënden o nënë,një buqetë lulesh manushaqe!
