PERKUJTIMORE
KJO DATË E MALLKUAR !
Data tetë,nuk dua të jetë në kalendar..
Kjo datë e zezë fizikisht nga ne të ndau..
Pa ty, Kelush të mjerë edhe këtë behar.
Për ty,i miri gjyshit edhe vetë Zoti qau !!
Nuk e dua datën tetë, me shpirt e urrej..
Çdo datë tetë,të përkëdhel në kraharor
Çdo datë tetë dhimbjen yjeve ju rrëfej..
Çdo Ylli,i lutem për ty të bëhet doktorr !
Data tetë ,të largon nga ne edhe një muaj,
Kjo datë e mallkuar,vjen,kurrë nuk harron !
Çdo datë tetë,pa ty ,vetja më duket i huaj
Çdo datë tetë,pranë teje,më afër na afron !
Aah,kjo datë,të çoi larg,në konak të huaj..
Pa nënë,pa baba,pa vëllain tënd bukurosh ..
Pa ty Kelush, o bir, minuta na duhet muaj !
Pa ty or kaçurrels, është e kotë të jetosh!
Çdo datë tetë,dhimbja bëhet njëqind fish
Kjo datë kockat e trupit ,na i ktheu në lotë
kjo gjëmë, të mori në qiell, o i bukuri filiz..
Na i dogje zemrat,ylli më i bukur në Botë!
Në çdo datë tetë, rrjedha e jetës ndalon
Ah,na ka marrë malli, për kaçurelat e tua…!
Ditëve,flasim me portretin tënd ,në sallon
Ti vetëm buzëqesh,asnjë fjalë nuk thua!
Çdo datë tetë,afrohemi pranë,o Ylli polar
Dhe s’kemi për tu ndarë më Kelush,kurrë !
Derë atëherë,do mbushim detin me të qarë
Dhe ti s’do jesh më i vogël,do jesh bërë burrë!
