Eljaz Salja

M Ë LER TË FLAS…!

” T’i rrihe mendimin,po frymen lësho

Pusho sa pa t’thënë të tjerët,pusho

Nga goja mbi kafshët u bëre i parë

Më nderë ka një kafshë në s’fole ti mbarë.”

S A A D I U

Në komunikimin e përditshëm njerëzit komunikojnë përmes fjalorit aktiv dhe atij pasiv,gjithmonë sipas edukatës dhe kulturës,por dhe sipas punës,funksionit,mjedisit etj.

Fjalori aktiv është ai i përditëshmi,p.sh. fshatari: tokë,vaditje,prashitje,korrje-shirje,lopë,dele,pulë,rrush,fik etj.etj. ; arsimtari: shkollë,klasë,nxënës,plan mësimor- edukatib,libër,fletore,lapsë etjetj. ; mjeku:pacent,diagnozë,ilaçë etjetj.; politikani: pushtet,zgjedhje,vjedhje,grabitje etjetj.

Pra,sipas profesionit,detyres,mjedisit.

Fjalori pasiv,përdoret më radhë,jasht profesionit,në ambjente argëtimi,gjatë pushimeve,kafeve etj.Politikanët,politologët,analistët,punonjësit e drejtësisë në në vërtetë nuk diferencojnë fjalorin aktiv me atë pasiv.Ato kanë në përdorim veç fjalorin e tyre,padyshim aktiv: vjedh,grabit,shfrytëzo,përdhuno,kap ça t’kapësh.Ndërsa farfanjakët: pensionistët,punëtorët,fshatarët si fjalor pasiv kanë telenovelat,BigBrother,Përputhen etj.

Dikurë,kur njerëzit ishin njerëz,fjalori aktiv dhe ai pasiv shkriheshin në një dhe

bëhej kuvendi si t’ishte vendi dhe secili merrte frymë parase të lëshonte fjalen,pa i thënë kujtë më ler të flasë,ose pa të thënë kush pusho.

MË LER TË FLAS është shprehja më aktive në fjalorin e sotëm aktv.Burimi është tempulli i ” lirisë” parlamenti,me “ajken” e kulturës mbrenda,ku dominon banaliteti,pisëlleku e vazhdon në komisionet e kësaj “ajke” e në të gjitha studiot televizive,ku flasin gjithë përnjëheri,si në mulli,aq sa moderatori Fejzi,njëlloj si ato,merr një shkop tregues në dorë e çirret ” pushoni” e askush s’pushon e kërkush s’merr vesh ç’thuhet.E më nderë ka një kafshë se ato që s’fladin mbarë.Dhe më keq se nuk është një e dy,por të gjithë për turpin e tyre dhe atyre që u shërbejnë.

Për fatin e keq ky tip fjalori ka zbritur deri poshtë në bazë,në tavolina shlodhjeje,e deri në familje,ku nuk dihet se kush do të thojë pusho,sepse s’pushon asnjeri.

Unë,e shumë si unë,që gjithë jeten artikuluem fjalorin aktiv dhe atë pasiv,të mësuar dhe edukuar nga para ardhësit tanë me një fjalor njerëzor,kurrë nuk i lejuam vehtes të na thojë dikush më ler të flas,e aq më keq ” pusho”.E mërzitemi,lodhemi,stresohemi dhe rrimë e mendojmë: pse kështu,nga na erdhi ky lloj komunikimi? Nga demokracia? Jo se në demokraci do të thotë të shprehesh mendimin lirshëm,pa cënuar lirinë e tjetrit.Liria yte mbaron,kur cënon lirinë e tjetrit.E aq më tepër kur e ofendon.

MË LËR TË FLAS, sot është shprehja më aktive kudo,sepse nuk të lë tjetri të flasësh për dy arsye: ose nuk di,ose nuk do,sepse ka një shërbim ndaj dikujt,që e investon,fatkeqësisht.

MË LER TË FLAS, të lutem !

“”””””””””””””””””””””””””””

BigBrother…!?

Shtëpia ” më e famshme” në Shqipëri…?

Me dt. 22 Tetor 2021,në një postim në FB.i bëra një përshkrim se ç’është BigBrother.

Ja,ky është.Këto janë vipat shqiptarë,me gjithë këtë famë,që prodhojnë çdo ditë “kulturë” dhe “edukatë”,ku gjithë shtëpitë dhqiptare shohin ” modelin” e një shtëpie:

-Burrat duhet të tradhëtojnë gratë.

-Gratë duhet të padisin burrat në polici e këtu në shtëpinë “e famshme”t’ua tregojnë gjithë shqiptarëve.

-Vipa që s’u ecë dashuria mbrenda shtëpsë e bijnë me b..thë( të fiktë) jo veç njëherë.

-Gra me tre fëmijë,që qajnë gjithë ditën pse i kanë lënë jashtë ( sikur t’i kenë futur me detyrim,si t’jenë në burg)

-Vipa që tradhëtojnë të dashurat jashtë dhe manifestojnë epshe rinore me të tjera të dashura,të përkohëshme, mbrenda ” shtëpisë së famshme”

-Vipa që merren 24 orë me thashetheme,me intriga të ndarë në disa grupime dhe grinden e capërlohen me njeri tjetrin me dhunë verbale,me zë të ngritur,si të çmendut,gati sa s’shkojnë në dhunë fizike.E mos harroni se janë vipa !?

– Vipa që flejnë burra e gra në një dhomë e n’mjes debatojnë se u kanë humbur brekët( po flas me fjalorin e tyre) apo ndonjë shtrati i vjen erë e keqe( që diçka nënkupton)

Kjo,të dashur shqiptarë,është shtëpia ” më e famshme” në Shqipëri,këto janë yjet,sipas të famshmes,vipe,Arbana Osmani,si një nga ato.

E a e dini pse është gjithë kjo famë? Sepse në mes gjithë kësaj rrumbullhane qëndron 100 miljonshi.

Po t’ishin gjithë shtëpitë e shqiptarëve “të famshme” si kjo,Shqipëria do të këthehej në shpellë,si në komuniyetin primitiv.

Me të drejtë mund të më pyesin dikush.Ti a e sheh? Po e shoh,se ç’të shoh? Të shoh Berishen e Bashen,babë e birë,duke nxjerrë hordheqet e njeri tjetrit,njëlloj si në BigBrother? Të shoh pyjet( verës) që digjen qëllimisht e qytetet dhe fushat (dimrit) që përmbyten me një pikë shi? Të shoh qeverinë time,që kërkon të kapi qiellin me dorë me ndërtim aeroportesh e veprash tjera madhore,veç pë të vjedhë,e populli i mjerë vuan për ujë e drita,për pa thënë shpesh edhe për buken e gojës?