Shkruar nga Prof.Eljaz Salja
Besa e shqiptarit,dje e sot…!?
Fotografi Norman H.Gershman, para pak vitesh, hapë një ekspozitë në Washungton, me fotografitë e 70 familjeve shqiptare, që ndihmuan hebrenjtë:Besa shqiptare që mbrojti hebrenjtë nga nazizmi.Në mes të tjerave thotë:”Asnjë hebre i vetëm nga Shqipëria,apo ndonjë prej qindra hebrenjëve të tjerë, që u detyruan të emigronin në Shqipëri,nuk u dorëzuan nga myslimanët shqiptarë gjatë Luftës së Dytë Botërore”
Ai mësoi rreth”besës” kodin e nderit,i cili zbatohet me shumë soriozitet nga shqiptarët dhe trajtohet,veç të tjerash, edhe si një detyrë e Islamit.
Jo pa qëllim fotografi e lidh me Islamin, që na kujton ne se shqiptari, një praktikant fanatik i fesë,e ndanë fenë nga besa nga dashuria për vendin, ku është lindur e jeton.
Kam mësuar nga para ardhësit,që jetonin në bashkësi fetare se me besë mbronin njeri tjetrin.Kur Turqit luftonin të krishterët, myslimanët i mbronin( i strehonin);kur shkjetë luftonin Turkun,të krishterët strehonon e mbronin myslimanët.Kjo është një e vërtetë e pamohueshme që realizohej mbi bazen e besës reciproke.
Dhe fjalen besë- thotë fotografi- nuk e gjenë një homologe në gjuhët e tjera”
E ç’thotë Pashko Vasa?
Kur ka pas lidhë besë burr’i Shqypnisë,
i ka pas shti dridhen gjithë Rumelisë.
…..
Nuk të ka mbetun as emën, as besë,
vetë i ke prishun,plr faqe të zezë.
…..
…edhe për sa para që do të fitoni,
besen e t’parëve gjith’e harroni.
E vëreni sa aktuale rezulton idea 100 e sa vjeçare e patriotit të Rilindjes Shqiptare,P Vasa?
E sot besa, si një nocion vetëm shqiptar,është tjetersuar në pabesi.
Mëkatare e parë është politika e pabesë,antinjerëzore,antishqiptare, antidemokratike e politikanëve shqiptarë.
Më konkretisht:Vëreni si u formuan partitë?Nga një parti në 121,që për interesa personale,jo vetëm s’e njohin besen,por e shkelin ate në çdo çast e me çdo formë.Për konkretizim është LSI.Iku nga PS,qëndroi pak kohë e vetme,u badhkua me kundërshtaren e saj më të fortë PD.Si realizoi ç’desh, me pabesi u kthye tek PS,edhe si mori këtu ç’desh,u rikthye tek PD.Ja një pabesi reale, konkrete,mjerane, antinjerëzore,antishqiptare, me emrin e përveçëm Ilir-Monika.
Dhe pabesia shprehet qartazi edhe tek kryeministri im, i vendit tim.Solli me ceremoni shtetrore eshtrat e kryetradhëtarit M.Frashëri, një bashkëpunëtor i denjë i nazi-fashizmit shfarosës dhe aq më keq shprehet:”Të ulin koken ato që e dënuan”Kush ishin ata?Ata që bënë luften e madhe për çlirim, sakrifikuan rininë edhe jeten për kauzen e drejtë për çlirimin e vendit, në kualicion me forcat progresiste botërore:SHBA,Angli,BS.
Në atë kohë Hitleri thoshte:”Njerëzit më të poshtër, më të neveritshëm,që kam parë,janë pikrisht ata që më mbështeten mua të pushtoj vendet e tyre.”Ky ishte Mit’hati,”besëmadhi,”patrioti” i kryeministrit tim, besëpremë jo vetëm i gjithë shqiptarëve,por edhe i babait të tij A.Frashëri,i cili sakrifikoi jeten për një Shqipëri pa pushtues.
Dhe pabesia sot, në kohë moderne,ka pushtuar kokat drejtuese politike e shtetrore,duke reflektuar poshtë në nazë si një mënyrë jetese, ku pabesia prodhon veç krime makabre:vëllai vret vëllanë e nipin,gruaja burrin e burri gruan,shoku shokun e miku mikun.
E besa e burrit ku iku?Tek i pabesi,e pabesia çdo ditë po mbjell e korr veç krim dhe krimi veç regres.
E pyet P.Vasa:
Mori Shqypni, e mjera SHqypni,
Kush të ka qitun me krye n’hi?
E përgjigja vjen:PABESIA.
