NATËN KUR TË VIJ
Më prit një natë, do të vij në ëndërr
Do të ta prish gjumin dalngadalë
Me pëshpëritje të lehta mesnate
Përmes ëndrrës si në përrallë
Ajo natë mos të mbarojë kurrë
Le të mbetet e paharruar
Nga një princeshë idealesh
Në kujtim gjysëm të zgjuar
Fatime Kalimashi
“””””””””””””””””””””
SONTE…
Sonte
Dua ta mbyll vargun me të vetmën fjalë
Për njëri-tjetrin sa shumë kemi mallë
Kemi shumë mallë se shihemi rrallë
Sonte
Do e mbyll vargun me dy fjali
Një për sytë e tu një për sytë e mi
Njëra mallëngjim e tjetra dashuri
Sonte
Po e mbyll vargun me pak fjalë
Ne po plakemi dalëngadalë
Jetuam jetën si në përrallë
Sonte
Unë po e mbyll vargun në poezi
Ti mbylli buzët mbi sytë e mi
Mallin ta shuajmë me dashuri
Sonte
Jemi vetëm unë dhe ti
Mbylli sytë hesht në qetësi
Lexo ç’të thash në poezi
