KURRË S’KAM DASHUR T’I NGJAJ ASKUJT
Kurrë s’kam dashur t’i ngjaj askujt
Kurrë s’kam kopjuar njeri në jetë
Nëse të tjerët kanë vepruar si unë
I kam dashur edhe më shumë
Kurrë s’kam dashur të jem si askush
As t’i kopjoj njerëzit e tjerë
Kam vuajtur e jam djegur në prush
Veç të jem vetvetja e të tregoj vlerë
Kurrë s’kam dashur t’i ngjaj askujt
Por nga të tjerët shumë kam mësuar
I kam ngja kohës e kam ecur me të
Në punë me vepra për të mos u vonuar
Shpesh kam rrezikuar dhe për të tjerë
Më kanë lënduar e vrarë shumë herë
Për asgjë në jetë kurrë s’jam penduar
Çdo ëndërr të dëshiruar e kam realizuar
Si fëmijë kur isha kam luftuar për drejtësi
Kam luftuar me të pa njerëz dhe me djallëzi
Edhe pse jeta shpesh për toke m’ka rrëzuar
Me zemër tek Zoti kurrë nuk jam dorëzuar
E pse t’i kopjoj të tjerët
Kur Zoti më ka bekuar
Me forcën e shpirtit çdo herë kam fituar
Dhe për asgjë në jetë kurrë s’jam penduar
FK
27.05.2021
“”””””””””””””
KUR TË JESH MËRZITUR
Kur të jesh mërzitur
Më thirr në telefon
Buzë vdekjes nëse jam
Për ty kohë gjej se të ndjej
Kur të jesh mërzitur
Ndjehu sikur je me mua
Unë kurrë s’të braktisi
Aty jam në shpirtin tënd
Sa herë flasim e qeshim
Si fëmijë ndonjëherë qajmë
Edhe kur të lëndohemi
Hallet bashkë i ndajmë
Sa herë që ndihesh i vetmuar
Më kujto sikur afër të jemi
Dhe vetminë e mposhtim bashkë
Se njëri-tjetrin në zemër e kemi
FK
27.5.2020
“””””””””””””””
FEMRAT E BUKURA
Të gjithë i duan femrat e bukura
Por jo të gjithë ato i vlerësojnë
Të gjithë e duan elengacën e saj
Si verën me delikatesë kur e shijojnë
Të gjithë i duan femrat e hijshme
Pa ditur aspak çfare fshihet pas tyre
Veç për ta përmbushur të çastit dëshirën
E kur rrëzohen as këmbët nuk i mbajnë
Të gjithë i lakmojnë femrat pozitive
Me buzë të kuqe e të jenë lozonjare
Edhe në qoftë grua e huaj nuk pyesin fare
Lakminë e epshit e shfaqin ashiqare
Para se të dëshironi një femër të bukur
Mendoni mirë se kush mund të jetë ajo
Po sikur të ishte motra apo gruaja jote
Si do të reagoje në sytë e kësaj bote
FK
26.05.2021
