MOS TA SHOH LOTIN
Më thatë
m’u kanë mbushur sytë me lot
nga trillimet e kësaj dreq bote
që nuk më thahen dot
Nuk dua ta shoh lotin
as edhe një pikë të vetme që t’pikon
nga xhelozia të sulet
si lumi i tërbuar kur vërshon
Ah sa kisha dashur
sikur të të kisha pranë
do ta fshija lotin
të mërzitur s’do të kisha lënë
“”””””””””””””””””””””””
SA ME VRULL
Eh sa me vrull
ca vijnë
ca rrijnë
ca ikin
si bora kur shkrinë
Po ndaluni more të mirë
mos nxitoni
para se të vini
vëni kokës gishtin e mendoni
E nëse ia vlen
ejani
nëse vetveten
aty e gjeni
e mos lëvizni
derë me derë
se u del ngjyra
e mbeteni pavlerë
“”””””””””””””””””””””
ZGJEDHE RRUGËN
Mos vraponi
kah të doni
rrugës pa rrugë
kurrë mos shkoni
Ka rrugë të drejtë
ka edhe gjarpërore
kurrë mos i bini
rrugës çorre
Ajo të shpie
në rrugë pakrye
aty ku s’ka rreze dielli
ka vetëm hije
