Fetah Maliqi

Sot është dita e parë e pjesëmarrjes sime në maratonën ndërkombëtare të poetëve me 8-ditë-8-poezi;

#PeetMeNotLeake. Jam nominuar nga miku im Poet Mark Gjetja për të postuar një poezi çdo ditë, për 8 ditë si dhe një foto e imja bashkangjitur për secilën poezi.

Poezitë në këtë maratonë do të përkthehen dhe botohen në një Almanak rus.

Çdo ditë do të ftoj një mik/e për të bërë të njëjtën gjë, duke vazhduar kështu stafetën e sfidës. Sot, unë jam duke ftuar në sfidën e maratonës një poete të shkëlqyer, miken time Poete Moza Shehu

për të postuar poezitë e saja për 8- ditë dhe nga ana tjetër, ftoj poetë të tjerë të bashkohen në këtë maratonë ndërkombëtare. Suksese!!

Poezia ime për ditën e parë të maratonës me Titull:

ATA SHKRUANIN

Nuk qenë thjesht heronj,

po lexonin shumë ata,

si të tjerë, shkruanin …

Dhe shumë dëshmorë

shkrime pas kishin lënë,

si i pari, si i fundit,

qoftë mësues, poet, piktor,

apo mërgimtar me vlerë,

Fazli Graiçevci,

Jusuf Gërvalla,

Kadri Zeka,

Nuhi Berisha,

Bahri Fazliu …

Dashuria e paparë për vendin,

vuajtjen këtu, gjakderdhjen,

torturën, kërcënimin,

ndjekjen.

Dhe gur e hekur kishin trupin,

mendjen e tërë shpirtin.

Vetëm një gjë

të mos e heshtim

Rexhep Malën e lidhin

me këmbë lart e kokë poshtë,

e torturojnë shtazarakisht

edhe me ujë, rrymë,

ftohtë e nxehtë trupit

në të njëjtin moment,

krip në gojë, gjithçka

dhe shokët e tij tregojnë,

„Cilido që do të kishte pasur

kaq vuajtje,

do të ishte bërë

armik i përbetuar

kundër akteve

kaq mizore!“

Nuk qenë thjesht heronj…

kishte tek ata diçka

të legjendave të largta,

diçka të miteve të thella,

si lumenjt, si detet,

si shkrepat

(edhe si nata sot –

misterioze, por dhe plot mendime,

se do i gjendet filli dhe kësaj kohe,

plot tradhëtime dhe plaçkitje),

si muzetë e këtij vendi …

si poezitë, prozat, bindja,

edhe thjeshtësia gati magjike e tyre…!

LINI NJË PËRGJIGJE Anulo përgjigjjen

SHKRIMET E FUNDIT