TROKU I TERRIT
Fjalë me helm dhe drojë për rrymën elektrike…
Për terrin e rënë prej se ra Blloku
Paragjykime, anomali,…llogari satanike
Terr, i ziu terr,që larg të dëgjohet troku!…
E zezëdita?!…Larg qoftë e zezëdita!
Orë e ligë, që u shitofsh, mu ku u thye turbina!
Vallë edhe më ka që dritës i vënë prita?!
Djallëzirash e djallëzorësh ende s’u ngop Prishtina?!…
28.12.2021
FUND KOHËTALLJESH
Valltarëzinj të mësuar zi të
luhet vallja
Që s’mësoheni pa s’mësoheni me valle llojesh tjera
Shihni a nuk shihni mori fund kohë-tallja
Mote, n’djall, mu n’djall, kur kund s’shihet vera…
Valltarëzinj të valles me Fatziun n’zgrip…
Kobtarë n’varg pa fund të pangopur
Hienë pas hiene hienisht e shqip
Hapur hedhur vallja rëndë e zi ngrefosur.
Valltarëzinj valleje që i doli aq shumë boja
Nostalgjikë t’paepur,-hije thuajse e rënë
Shpirt e sy trishtuar rëndë e më rëndë loja
E, se vie kështu…,thënë për t’thënë, është thënë!…
15.1.2022
MONOTONIA
Ç’është kjo monotonia që ca qahen n’të
Pse s’më qaset dhe mua t’i shoh surratin
Ku jeni ju që thoshit se kjo t’gjithë i zë
Ju që ditë e natë me të ndani shtratin.
Ku janë ato kthetra që unë s’i ndiej ende
E ata mullinj t’saj trurin duke e bluar
Ku janë ato çaste që shpirtin e shkojnë n’rénde
Juve ju pyes juve t’lidhurve këmbë e duar.
Ju pyes pikërisht juve hijerëndëve t’lodhur
Pa hiç forcë të ngriteni mbi monotoni
Juve n’rrjeta t’saj gjithnjë më shumë tëhollur
Syverbërve në rrugët për tek t’ngrohtat n’gji.
12.12.2021
