Sot poetja e mirnjohur Lumturi Ymeri Bersava feston pervjetorin e ditlindjes.
Gazeta “NJI DRITARE E RE”I URON GEZUAR DITLINDJEN POETE DHE MIKE E FJALES POETIKE.GjinMusa,botues.
RRUGA
Në ballin e rrugës
horizonti vizaton dantella resh
e fjongot dridhen syve të ullinjtë
Mos i zgjidh
Se pikojnë shi…
Në ijë të udhës
Gicëlojnë trendafilë
e perkedhelen mureve të bardhë
Ndalu
Thith aromë derdhur nga duart…
Në fund të rrugës
Zbret lëndina e paqtë
Ku gjithhere është pranverë
e shtang…
Mbeta guri i varrit
në kryet e nënës e babës
me sytë kah horizonti
ku malli klithte
hon me hon…
@ lumturi
“”””””””””””””””””””
Shkruar nga
Hasan Bunjaku
PERLA TË POEZISË SHQIPE
Lumturi YMERI – BERSAVA
HARK’IM
Nën dritën e abazhurit sonte
Cepin e jorganit tërhiqe
hidhe tej,
mbulomë me frymën tënde…!
Vështromë!
Ndiq udhën e syrit me gisht
nën dredhkën e balukes mbi ballë
Përvijo konturet e lëkurës sime
mbi hundë, mbi buzë
Shtyp lehtas bymimin e tyre të afshtë…!
Ec
zbrit
rrëshkit
rrënqethshëm si gjarpër
nën mjekër, nën gushë…
Zgjidhi fjongot e tejdukshme
nga buisja e shpërthimit
Përdridhu rreth atyre shegëve
që gufojnë fërgëllimit…
Prit, duro!
Nën kërcitjen brinjëve të ndezura
gjakun vlo…!
Rrokullisu në pjerrësinë e përfundme,
hepohu vorbullës së flakës,
ndalu tek ato eshtra të epura
të tërhiqen pranë vetes…
Por,
grise dhe cohën e tyltë të dantellës
harkut të nënbarkut,
mbi rombin epshndjellës…
