Doli nga botimi libri “LUFAJT E SELITËS” (vështrim etnokulturor), me bashkëautore vajzën time, Kozetën, mësuese e lëndës Gjuhë-Letërsi në gjimnaz, njëherësh edhe gazetare në Tv1 Channel të qytetit të Shkodrës. Libri përmban tradita, doke, zakone dhe krijimtari folklorike të katundit tonë të lindjes, Lufaj të Selitës në Mirditë. Materialet janë mbledhur nga bisedat e drejtpërdrejta me banorët e katundit, me të cilët kemi patur mundësinë të takohemi, e madje edhe të marrim pjesë në gëzimet e hidhërimet e tyre, raste këto ku manifestohen në shkallën më të lartë traditat e përbashkëta e të veçanta të një zone apo krahine.
