KRISHTI U NGJALL!
Krishti u ngjall, erdhi në jetën time,
Të më shpëtojë mua,të gjithë njerëzinë.
Ti je bariu,unë qengji i grixhës tënde,
T’i bindemi Frymës së Shenjtë Trinisë.
Ne të rilindim përsëri në jetën tënde,
Lavdi të qoftë Ty,o Zoti im,Jezu Krisht!
Jetën e dhe për mëkatnorët në Kryq,
Gjaku shëlbim për skamnorët u bëftë!
Prandaj brohorasim të gjithë: -Rrnoftë,
Rrnoftë Krishti Mbret, jetët tona bekoftë!
Ti je shpresa,shelbimi e besimi jonë,
Ti largoje koronavirusin përgjithmonë!
Prandaj të kemi besim e shpresë,
Se Krijuesi është vërtetë gjithsesi.
Djalli kurrë n’mes s’mund të hyjë,
Të ndajë Krijuesin me grixhën e Tij.
(@Gjon Bushgjokaj, Lezhë, më 17. 04. 2022)
“””””””””””””””””””
NË MËRGIM I TRETUR
Tretur në mërgim,kam shumë mall,
Nuk jam i vdekur, as jam i gjallë,
Mall kam, s’më hahet, as më pihet,
Gjumi s’më zë,zemra flakë po digjet.
Kam lënë shtëpi, kam lënë vatan,
Punoj rrugëve të botës,projekt s’kam.
Trajtohem si qen, që ruan një stan,
Kur do t’kthehem,zemra më s’mban.
Kur të kthehem një ditë në atdhe,
Do më duket vetja për së dyti le.
Të punoj përsëri tokën e të parëve,
Mallkuar ti mërgim,rininë na e vrave.
Ju lutemi rini,në mërgim mos shkoni,
Do t’zhgënjeheni e gjë nuk do t’fitoni.
Më merrni vesh tani, të dashurit e mi:
-Kthehu në atdheun tonë,në Shqipëri!
(@Gjon Bushgjokaj, Lezhë, më 27. 03. 2022)
