VENDLINDJA IME, MËRTUR!
U linda në këto kreshta, kurorë me gurë,
Ku shqiponjat e ngritën gjithmonë folenë.
Gjyshi im më tregoi bukur historinë dikur,
Kush është fisi ynë,Mërtur, nga ne vijmë.
Lavdinë e trimave, që përherë luftuan,
Pushtuesit barbarë kurrë s’i pranuan.
U vranë,u prenë për tokën tonë amtare,
Burra, gra, të rinj e pleq i bënë batare.
Ruajtëm vatanin në tërësinë teritoriale,
Flamurin e kombit ngritëm në këto male.
Këtu flitet shqip, pushtuesit vend s’kanë,
Shqipërinë e kemi Nënë, e kemi vatan.
(@Gjon Bushgjokaj, Jaroměř,
Josefov, Çeki, më 06. 07. 2022)
“”””””””””””””””””””””””””””
TË DUA ME ZEMËR, ATDHE!
Shumë kilometra larg me ty Atdhe,
Afshi i dashurisë më vjen përmbi re.
Ditë as natë nuk pushoj së menduari,
Të shpëtojmë Atdheun së gllabëruari.
Një grup mafiozë të zinj, të pangopur,
Që mbijnë si kërpurdhat, të pasosur.
Vendin e kanë nxirë,trupin t’sakatosur,
Me lloje epitetesh na kanë damkosur.
Me Ballkan t’hapur apo kushedi çfarë,
Çdo ditë e më shume fryjnë në zjarr.
Duan ta zhdukin nga harta Shqipërinë,
Të zhdukin kombin,të shtojnë pasurinë.
Zgjohuni nga gjumi vëllezër, hapni sytë,
Sa nuk është vonë, t’shohim pak dritë,
Të fshijmë nga dheu armiq e tradhëtarë,
Të sjellim bashkimin mbarëkombëtar.
Të bashkojmë atdheun,Shqipëri Etnike,
Me ballin lart, flamurin me Shqiponjë.
Europa e bota të thonë çfarë të dojnë,
Është e drejtë legjitime, e drejta e jonë.
