Halil Rama

KUB, HISTORI SUKSESI ÇERTIFIKATË MIRËNJOHJE NË 10-VJETORIN E KOLEGJIT UNIVERSITAR TË BIZNESIT. Dhjetë vjet më parë pata fatin të nisja studimet Master Shkencor në “E DREJTË PENALE” pranë Kolegjit Universitar të Biznesit, studime të cilat i përfundova me rezultate të shkëlqyera, për të vijuar më pas Shkollën Kombëtare të Avokatisë dhe për të fituar titullin “avokat”. KOLEGJI UNIVERSITAR I BIZNESIT – ish Akademia Profesionale e Biznesit (APB), si institucion i arsimit të lartë jopublik, vjen në këtë jubile të lavdishëm të 10-vjetorit të tij me një histori suksesi, si konkurrent dinjitoz në sistemin e arsimit të lartë shqiptar, mbështetur në filozofinë e një edukimi cilësor, me standarde bashkëkohore dhe me synimin e qartë për të kontribuar me seriozitet dhe dinjitet në arsimimin e brezave të rinj si dhe për të kontribuar në rritjen e prosperitetit, mirëqenies dhe zhvillimit të vendit tonë. Siç pohon Prof.asoc.dr.YLBER BEZO-president i këtij institucioni: “KUB është rritur si rezultat i përvojës së themeluesve të këtij Institucioni me karrierë të gjatë akademike dhe profesionale”. KUB-i listohet ndër 10 shkollat e larta publike dhe private më të mira në vend. Ky universitet ka të gjitha diplomat të akredituara nga MASR. Agjencia Britanike e Akreditimit, nga vlerësimi që i bëri veprimtarisë së këtij universiteti në të pesë fushat, e akreditoi me 4 vite nga 6 të mundshëm. Nga ana tjetër Agjencia e Sigurimit të Cilësisë në Arsimin e Lartë (ASCAL), në vitin akademik 2018-2019, i ka riakredituar programet e KUB me 5 dhe 6 vjet nga 6 të mundshëm. KUB-i ka një staf akademik mjaft të përgatitur dhe të dedikuar për t’i përgatitur studentët për tregun e punës. Ky staf përbëhet nga Profesorë Doktorë me emër në fushën e tyre, nga Profesorë të Asociuar, Doktorë dhe të rinj që kanë mbaruar studimet me rezultate shumë të mira brenda dhe jashtë vendit. Mbi 90% e studentëve që janë diplomuar në këta 10 vjet në KUB janë të punësuar në profesion. Në KUB sot gjen studentë nga e gjithë Shqipëria të cilët ndjekin studimet në degë të ndryshme të tre njësive kryesore të këtij universiteti: Fakulteti Ekonomik, Fakulteti i Drejtësisë dhe Kolegji dy vjeçar i Studimeve të Larta Profesionale. Personalisht ndjej krenari legjitime, që në këtë jubile, u vlerësova me ÇERTIFIKATË MIRËNJOHJE “Për kontributin e çmuar në zhvillimin, modernizimin dhe standardizimin e veprimtarisë akademike të Kolegjit Universitar të Biznesit…”