DHJETORI
Sa herë mbështillem në kujtimin tim
Ngjyrat e shpirtit frymojnë bëhen lule
Dashurinë e gjallë shtrijnë në shuplakë
Qiellit fluturim , valëve detit prore
Në këtë natë të vonë m’freskon kjo gotë verë
Me kujtimin e gjallë e vetme s ‘do jem
Sonte e pikërisht sonte dua t’ndihem femër
Mallkoj hapin tënd në derën pa emër
Këtë natë si je tretur shi i shpirtit tim
Në borën e parë dua të mbështillem
T’ja them këngës t’dukem komplet si e marrë
Sonte më vjen hije , zë si një vegim
Të lutem më dëgjo kësaj nate epsh plot
Kam nuhatë erë tënden , squllur jastëkun lotë …
valixhe me franga mbështrellur me emrin tim
Del merri para dere ti s’jell lumi Sihl
Nuk e ditëka njeriu
Si humb e çfarë të pret
Prapë dhjetori në prag
Vjen në stilin e vet
Ardhtë i bardhë ky muaj
E mos pastë mbarim
Lutem për mbarësi e t’bukur fillim !
Hyrije Jusufi
“”””””””””””””
MES LIBRI FLETË E BARDHË
Shpesh pa dashje hy në shpirtin tënd
E veshur në fustan të bukur
E qeshur
E urtë
Kohën time e shoh aty
E ndiej
E prek
E puthë …!
Marrë librin ,, Hijet e shiut ,, në dorë
Të ndjek ajo thepash shkëmbinjë
Lexoj poezitë një nga një
E mëkatë është të puthësh erën tënde barsilegu…
Aty pyes çdo rresht për ty
Në mbrendësi më del një fletë e bardhë
Një pikëpyetje e vallë
Edhe një e prapë një , e vë !
Vetmia ma shkrin ashtin – thënë
Kohën që ma mbyte
Mi thave pranverat
Pëlhurës qëndisur lulet me aromë jasemini…
E ruaj
Një ditë fshij lotin faqes që rrokulliset
Ëndërrat mbuluar pluhur ringjallen në çast
E fustane harresash mbi shpirt..
Në re mund të jem e gjallë , jetoj
Nga ty të fali shi
E hapi e puthja jote
Hijeve …!
E nesërmja ngjyrat e zbehta i përpinë!
Prapë marr librin ,, Kthinave të jetës,,
Çdo poezi ka lotin shpirtit
Rrugëve nuk jam vetvetja
Zvarrë më tërheqin kujtimet
Fjalët në ar kam mbështjellur
E vraj dhembjen çdo ditë nga pak
Ne hijen tënde kotet vetmia ime…
Dyjat lidhen në bast
Lojën e fiton tradhëtia..!
Kërkoj , fluturat e lehta shpirtit i bëzëj
Cicërimë zogjësh këngën e verës këndojnë…
mes libri më del një fletë e bardhë
pikëpyetjet rrotullohen mbrapsht…
Më lusin në përgjigje ..,
Në të vetmen fjalë atë ditë…
