PAK ME TY
Sonte jam në punë . Edhe tri ditë më duhet të punoj dhe kam bërë plan të shqyej qiellin e të shkeli Dardaninë time !
Kam mallë!
Disi më mungon shumëçka , duke filluar nga rrudhat e fytyrës së mëmës sime , të prek ato duar me gjishtërinjtë nyjeve të bymosura që më përkëdhelin faqen . Të shtrihem në prehërin e saj , dhe pikërisht me ,, gungellat ,, e duarve të lëmohet floku im !
Madje kurorën përkujtimore
të vitit të shtatë do ti dërgoi babait ke varri edhe sikur të ketë shumë ngricë !
Mua më del flaka dhe do ta mposhti çdo acar në Dardaninë time , për ca ditë !
Shkuarjes sime i gëzohen disa , të tjerë që nuk e dinë , do të më donë për kafe !
Hej o juu të dashurit e mi , të gjithëve dua të ju shoh !
Nëse harroj të ju thërras , më kërkoni , nëse nuk më premton kohë kërkoj falje që në fillim të letrës sime !
Thjesht ju dua !
Të gjithëve që ju njoh !
Do të doja të ju falja dashuri e lutjen time , të ju shoh mirë !
Mos keni frikë nga unë , se mundem nga Zvicrra të ju sjell pandeminë kovid
Besoj që jam rezistuese dhe e kam çporrur me sukses .
Mos keni frikë , është një grip pak më i veçantë , por tregojeni se nuk keni frikë , ik në fund i turpëruar !
Hallën lule nuk do ta shoh , se kovidi ma vodhi , e ajo deshi të merrte të keqen e familjes sonë me vete , si duket nënshkroi marrëveshje me të ziun !
Hejjj more , familjarët e mi , dashamirë , shokë e shoqe dhe ca njerëz të letrave , sa do doja ti takoja !
Ju lutem më shkruani , më thirrni , lirisht !
Dardania ime , sa e mirë , vetëm te ti me ty , për pak ditë do ti mbushë të gjitha poret e lëkurës dashuri , dejt e gjakut do të mbushen frymë ke ti !
O sheshi im ,
Prishtina ime
Presheva dhe kujtimet e mia rinore ,
Lugina ime e harruar përditë
do të hapëroj rrugët tua të ngushta e plot rreze , do të lexoj ballit të qytetarëve tu , brengën dhe dhembjen e përbuzjes , e çfarë mund të bëj unë , pos ta shkruaj këtë letër sonte !
Të dua Preshevë e plaguar ndër shekuj !
Dembabadem dhembje shpirti !
Jam e brengosur shumë për jetën tënde e timen gjithashtu !
Kështu pra , ta dini , ju dua dhe do të qëndroj e tillë , deri në ditën time të fundit !
Më mungon dashuria jote Dardania ime !
Natyrisht është kohë e shkurt , se edhe Zvicrra , atdheu im i dytë më mungon , kur jam larg saj !
Sa e bukur është kur ke dy atëdhe !
Dardania ime ti je e para !
Faleminderit që jam bija jote !
