LUMI
Me rrjedhen e lumit
takohemi sy më sy…
Dallgëzohet Hudson River valë- valë,
po imagjinata ime dhe diellin kap,
n’mendjen time valëzohet lumi Llap
si djepi me femije nga nje nane.
Pulebardhat se ç’më kujtojnë
Nositin e t’madhit Lasgush,
nga malli i tokës sonë
që djeg porsi prush.
Prit – ti anije ngjyrëqielli,
që trazon lumin dhe erën
merre fjalëmiren
me peshën dhe vlerën.
Merre fjalëbardhen porsi urëkalim,
e stinëve të blerta deri në lulëzim,
plot dashuri e bukë në t’ madhen sofër
buzëqeshje verore në çdo skaj e votër.
Ibadete Humolli-Tetaj
