Erdhen Arbereshet
Elita e kombit erdhi e te pa, moj vejushe
Gjurmeve te shkeli, te bekuan kreshnike
Me flamurin kuq e zi perseri te bene nuse
Ne qiell te ngriten kala e Ohrit heroike
Erdhen Arbereshet, u ulen mbi kala
“Foleja kombetare” per ty me gju ra
Flamurin shkabe Gjergj Preçaj te dha
Kala e Kastriotit ketu na ke, te tha…
Ibrahim Abedini
Mölnlycke/2019
“””””””””””””””””””
Dashuria ndihet
Për herë të parë kur trokita për mbi dhe
U rrëzova dhe këmba dorës prap u ngrita
Për herë të parë kur mësova fjalën, atdhe
Rrugës së vështirë e monopateve iu ngjita…
Çdo cep mali, fusha edhe deti që ka
Unë në poezi bukuritë e tua i ngrita
Kur s´munda i tërë qielli mbi mua ra
dashurinë kur ndjeva, thashë, u rrita…
Poeti Strugan(I:A)
Prill/2022
“””””””””””
Bregu
Bregu i detit më bëri për veti
Më magjepsën të bardhat valë
Me bukurinë që kishte më treti
Në çast u derdh mbi mua deti…
Me sy nga largësia unë e shikoja
Aromë lulesh vinin qoshet e sajë
Krahë shtigjeve të shtrohesha doja
Nje përqafim bregu, tjetër s´kërkoja …
Poeti Strugan(I.A)
Fund prilli/2022
“”””””””””””””
Në bashkudhëtim
Unë të quajta yll e rreze dielli
Të ngjita në qiell si shiu ylberin
Ti më the, je imi sa i tërë qielli
U betove, për gurin e dherin…
E nisëm anijen në udhëtim
Si dallga të bregut vallzim
Tham se, më nuk ka kthim
Hodhëm prapa çdo shikim…
Dëshirat ia dham hënës t´i ruaj deri në agim
Erës iu lutëm, qetë nga dritareja kur të hyj
Zemrat ia falëm diellit t´i marrë në perëndim
Në gjak e në shpirt aromë lulesh të na fryj…
Poeti Strugan(I.A)
Prill/2022
“”””””””””””
Thash të shkruaj një poezi
Thash të shkruaj një poezi
Të rrëshqas si mjalta nga luga
E mbushur me zjarr dhe dashuri
Të jet e bukur sikur struga…
T`i ngjaj një struganeje si në poezi
Flokët derdhur fije fije por si shi
Mali edhe fusha t`ia kenë zili
Tokës kur të shkelë si vesa te shkri…
Thash të shkruaj një poezi
Mjellmat ta shtrinë mbi liqen
Pastaj të derdhet në drinin e zi
Të përhapet si drita kur shkëlqen…
Të kaloj edhe nëpër oqean
Si nuse me tela teleisur
Me lotë gëzimi kur qanë
Krenare se kush e ka stolisur…
Thash të shkruaj si strugan
Ta vesh me tesha dhëndërrie
Strugën si yrnek me filigran
Kush s`e di, është idilë dashurie…
Ibrahim Abedini
Suedi
