SOT IMER HYSA FESTON PERVJETORIN E DITLINDJES.
GAZETA “NJI DRITARE E RE” U URON JETE TE GJAT DHE NJI KRIJIMTARI
TE BODHSHME DHE DINJITOZE.GEZUAR DITLINDJEN.JU URON
Gjin Musa
NE PERVJETORIN TIM TE LINDJES
VITET E MIJA
Vitet e mija ngjajnë me pemët
Shumica krijuan bazën te rrënjët,
Të tjerë me lodhje e mund
U lartësuan krenarë në trung
Ca duke menduar për vete
U hapën në formën e degëve,
Të tjerë me prirje për qejfe
Shkëlqyen e ranë si gjethe.
Pata dhe vite të tjerë që s’u dogjën
Por si fruta ngadalë u poqën
Një gjë se di a do kuptoj ndonjëher
Sa ishin si fruta te embla
e sa të hidhura zeherr.,
“”””””””””””””””””””””
PER TY NJERI
Përpiqu fjalën ta zgjedhësh të artë
e buzëqeshjen ta dhurosh pa shtirje,
ta ruash gjakfohtësinë pa u ndezur flakë
dhe kur dëgjon përgojime pas shpine.
Përpiqu ti burrë që je baba
e mbi shpatulla ke barrë të rëndë,
djallin vrastar që brënda vetes mba
vrite, mos e lër të turbullojë mendtë.
Përpiqu ti grua me bashkëshort
e lartësuar me titull “nënë fëmije”,
dashurinë njerëzore ta ruash fort
si cipë të hollë virgjërie.
Ti pushtetar që të besojmë të ardhmen
shtrij dorën e ngrohtë, mos shit mend
në fund të fundit, një ditë të afërt a të largët
te dhoma errët do jeshë, në dy metra vend.
Ti bisnesmen që punëson njerëz
e djersën e tyre e kthen në ar për vete,
mos luaj me mundin, mos e vidh djersën
ngec në fyt, të mbyt dhe një bulëz djerse.
Përpiqu o njeri, fjalën ta zgjedhësh të artë
e buzëqeshjen ta dhurosh pa shtirje,
ta ruash gjakfohtësinë pa u ndezur flakë
dhe kur dëgjon të përgojojnë pas shpine.
