Pak kush nga ne e mendoi atë mbrëmje të datës (8 Dhjetorit 1990 ),se klithma studentore për liri do të rrëzonte perden e çeliktë të diktaturës e do të hapte rrugën e bukur të demokracisë.

E bukur por e gjatë dhe e vështirë si çdo vepër transformuese.

E gjatë dhe me hallakatjet e veta, por plot ngjyra mendimesh të lira, idesh krijuese e mundësish të pakufijshme.

Proceset demokratizuese që pasuan Lëvizjen e Studentëve të Dhjetorit sot përballen me sfida të natyrave të ndryshme nga ato të 31 viteve më parë.

8 Dhjetori 1990 nuk ishte fundi i historisë, por hapja e një kapitulli të ri.

Ëndrra studentore do të jetë një amanet edhe për brezat e tjerë të Shqipërisë europiane.

Rilindja kombëtare, Lufta Çlirimtare dhe Lëvizja Studentore janë tre pikat mbi të cilat qëndron orientimi ynë perëndimor !