Mos hesht!
“Liria dhe përparimi, nuk kanë lindur nga heshtja”
Hillary Clinton
“””””””””””””””””””””
Pse nuk flet?!
Heshtur mos rri, o njeri!
Rrugëve të botës pa asnjë liman, mos u end!
Rrugëve të shpirtit bërtit, me fjalën që shemb!
Mos hesht, zhytur në humnerat e heshtjes,
Pa thënë asnjë fjalë!
Mos e lerë errësirën, të vrasë dritën!
Kështu, as vetë nuk e di,
Nëse ke vdekur apo je gjallë?!
Në pellg të shpirtit, qiellin thyeje si qelq!
Hidhe tutje kryqin e rëndë që mban mbi shpinë!
Por, mos braktis çdo shpresë!
Sepse edhe muzgjet ndër vegime
Ëndrrën nga gjumi nuk ta zgjojnë!
Nxirre fjalën, bërtit!
Mos e mbaj si hallkë, të kapur në pranga!…
Fjala, të mban gjallë o njeri!
