DHE NJË SHEKULL QESHTË PËR TY
(Nipit Dion për ditëlindjen)
Zëri yt na lumturon çdo ditë,
Bën të qeshi botën mbarë,
Gazi yt shton mrekullitë,
Zemrat tona i bën beharë.
Kur qesh ti dhe ajri ndrin,
Bora jashtë shkrin bëhet zjarr,
Dhe të ftohtin që akull ngrin,
Ti e shkrin e bën ujëvarë.
Gëzimin paç si diell në sy,
Paç gjithmonë veç lumturi,
Dhe një shekull qeshtë për ty,
Mbushur këngë e melodi.
KUJTIM HAJDARI
“””””””””””””””””””””
VITET TONA
(Shokëve të gjimnazit)
Vitet tona rrodhën e u thinjën ngadalë,
Dhe rrudhat, pa kuptuar, na kanë dalë,
Flokët na ngjajnë me një kësulë dëbore,
Dikujt i ranë si gjethet në ditët vjeshtore.
Do të na pëlqente t’i kishim flokët si çun,
Por pamë që dhe vet koha u thinjë më shumë,
Po me kohën ne ecëm, ecëm pa pushuar,
Dhe miqësinë e rritëm, e mbajtëm të çmuar.
Zemrat e mira, dashuria vëllazërore,
E ruajtën miqësinë si në vitet rinore,
Dhe pse mërguar, nëpër botë shpërndarë,
Shumë gjëra bashkë prapë i kemi ndarë.
Ndodh shpesh të mblidhemi si në rini,
Me një shaka, një gotë verë o pak raki,
Kujtimet t’i ndezim me flakën e miqësisë,
E kush e ndjen se po trokasin vitet e pleqërisë!?
