Majlinda Zeqiri-Shaqiri u lind në Leskovc, Republika e Serbisë.
Shkollën fillore e kreu në Medvegjë në gjuhën serbe, ndërsa të mesmen mbaroi në Gjimnazin e Përgjithshëm “Hivzi Sylejmani”, Fushë Kosovë.
Studimet universitare si dhe ato pas universitare mbaroi në Universitetin e Prishtinës “Hasan Prishtina”- Fakulteti Filologjik dhe mban gradën akademike Master i Shkencave Filologjike në Universitetin e Prishtinës, Prishtinë. Aktualisht punon në Ministrinë e Administrimit të Pushtetit Lokal dhe mban pozitën e Zyrtarit të Lartë në Departamentin për Përformancë dhe Transparencë Komunale. E certifikuar në sërë trajnimesh profesionale që lidhen me vendin e punës.
Veprimtaria letrare
Me veprimtari letrare dhe atë artistike merret nga fëmijëria.
Poezitë dhe shkrimet e saja janë publikuar në revista, gazeta dhe portale të ndryshme ndër to është edhe Gazeta Rilindja, Prishtinë, Revista Mirdita të cilën boton Akademia e Artit, Shkencës dhe Letrave Mirdita, Tiranë, Revista Dituria, Boras-Suedi, Revista Gjurmë historike të cilën boton Lidhja e Historianëve Shqiptarë me seli në Zvicër, Revista Alternativa, Gazeta letrare, portali dhe revista Medvegja, Medvegjë, portali Piirusti News, Tiranë/Shqipëri, Agjensioni Floripress, Kosoovë, etj.
Poezitë e autores janë pjesë e publikimeve Atunis, databazë që e njehëson me autorët vendas dhe të huaj bashkëkohorë, Begjikë.
Pjesëmarrëse e aktiviteteve të ndryshme letrare siç janë Ora Letrare Pavarësia organizuar nga Shoqata e Shkrimtarëve dhe Kritikëve të Kosovës, si dhe organizime tjera siç është Manifestimi Bllaca 99, gjithashtu pjesëmarrëse e shumë konkurseve dhe festivaleve poetike siç është Festivali i poezisë Muza poetike Budiane, 2020 Mat.etj.
-Është pjesë në nismën e Qendrës Kulturore Shqiptare/Shtutgard, 2021
-Poezia e saj është pjesë e librit Adem dhe Hamz Jashari , botuar nga Shoqata e Shkrimtarëve dhe Kritikëve të Kosovës 2021.
-Është bashkëthemeluese e klubit letrat ‘’Shqipet tona’’ si dhe bashkautor e librit ‘’Anembanë’’ botuar nga klubi letrar ‘’Shqipet Tona’’
-Është anëtarë e Shoqatës së Shkrimtarëve Feniks, Preshevë
-Është autore e librit me poezi Në sytë e diellit botuar në vitin 2020, si dhe në proces të përgatitjes të librit të dytë me poezi.
Poezitë e saj janë përkthyer në disa gjuhë;
Janë përkthyer në gjuhën suedeze dhe janë pjesë e një antologjie Suedeze, në mesin e poetëve suedez dhe shqiptar të botuar në dhjetor 2020.
Në mesin e 11 shteteve poezitë e autores janë pjesë e një antologjie ‘’Fontanë Fjalësh’’ të festivalit Ndërkombëtar të Poezisë ’’ Sofra poetike’’Boras/Suedi 2021.
Gjithashtu janë përkthyer edhe në gjuhën angleze dhe janë pjesë e një antologjie të poeteve të zgjedhur botëror, botuar në Holandë, Tetor 2021 një kopje librit gjendet në bibliotekën mbretërore në Hagë.
Së fundi poezitë e saj janë përkthyer edhe në gjuhën maqedone dhe janë botuar në Revistën Rast në Manastir.
Është fituese e disa çmimeve letrare
-
Çmimi i tretë në poezi, 2002
-
Diplomë për poezi me cilësi të lartë, Akademia e Artit, Shkencës dhe Letrave Mirdita, Tiranë, 2019
-
Finaliste në Festivalin mbarëkombëtar ‘’Takimet e Poeteshave Shqiptare’’ edicioni 37 Vushtrri, 2019
-
Çmimi i Akademisë së Artit, Shkencës dhe Letrave “Mirdita” Tiranë, nga konkursi mbarëkombëtar i poezisë “Viti i Fishtës 2020”
-
Çmimi i tretë në festivalin Mbarëkombëtar ‘’Takimet e Poeteshave Shqiptare’’ edicioni 38 Vushtrri, 2020
-
Vlerësuar me Trofeun e interpretimit më të bukur të Festivalit të Aktrimit, Rinisë të kombit shqiptar 2020.
-
Është pjesë e librit të nderit të Akademisë së Artit, Shkencës dhe Letrave ‘Mirdita’ Tiranë, 2020
-
Fituese e disa çmimeve mirënjohje për poezi nga grupi letrar virtual ‘’Sofra Bujare, Paqe-Mirësi Poezi’’ 2021
-
E shpërblyer me Certifikatë Unë jam për Paqe në botë, nga ’Sofra Bujare, Paqe-Mirësi Poezi’’ 2021
-
Fituese e çmimit të dytë në poezi nga unioni virtual letrar Flladi poetik, 2021
-
Fituese e çmimit Special nga Shoqata e Shkrimtarëve Feniks, Preshevë, 2021
-
E vlerësuar me çmimin Diplomë për kontributin në letërsi nga Shoqata e Shkrimtarëve ABC Poetike, Shkup, Maqedoni
-
E vlerësuar me Mirënjohje për kontributin në letërsi nga Unioni i Shkrimtarëve dhe Kritikëve Letrar, Kosovë, 2021
-
E certifikuar në Pikturë, 2002
-
Moderatore e eventeve të ndryshme kulturore siç është aktiviteti vjetor i Akademisë Mirdita, Tiranë 2021 si dhe Festivali Ballkanik i Folklorit 2021, Kosovë
-
Gazetare dhe redaktore te Revista Medvegja Sot,
-
Gazetare dhe moderatore e kanalit informativ Medvegja Sot
Grusht trëndafili
E vërtetë,
Desha të flas me ty,
Me sytë,
Heshtjen e asaj që s’flet,
Greminë ujëvare,
Burim i një vesi të keq,
Po,
Desha të bërtas ty,
Bubullimë zjarri mali mbi retë,
Grushti trëndafilit,
Shpoi gushën e bardhë,
Ndaloi dhe heshtjen mbi breg,
Po kush je ?
Më flet si Lulja e Kujtimit
E Foqion Postolit
Stolin ku ma ke?
Nën gush pikon gjaku i trëndafiltë,
Gjemba mori dheun,
Arrati, arrati më je!
“””””””””””””””””””””
Të fala ty
Eca mbi zjarrin e kohës,
Në greminë rashë,
U dogja nga dëshmia e rrejshme,
Më quajtën skllav,
Të fala ty,
Edhe pse gjakun ma ke nxi,
E kuqja ngeli Lule Bozhuri,
E unë të fala ty,
Mbi flatrat e mi,
Akullnajat shkrijnë dëborë,
Nën këmbë rrëshqasin vitet,
E skalitura në robëri,
Por unë të fala ty,
Hijeshia e shpirtit triumfoi,
Në betejë me djallin,
Mirësia fitoi !
“””””””””””””””””””
Bëhu Mbretëri
Mos ndalo hapin,
Vazhdo shtegun,
Në heshtje, buzëqeshje,
Këmbëngulje dhe krenari.
Mos harro kurrë,
Ti je kurorë e pathyeshme,
Sfido betejat e stinëve,
Do fitosh Mbretërinë !
