Pregaditi per botim:GJIN MUSA.Gazetar dhe botues.
Belgizare Hyseni- Kryeziu e lindur më dt. 18.07.1974 në Breznicë të komunës së Bujanocit
Ajo vjen nga një familje bujare e arsimdashëse që mikëpritjen, respektin, atdhedashurinë e humanizmin e kanë kultivuar nga brezi në brez.
Shkollën fillore ka mbaruar në fshatin Breznicë, të mesmen në Gjilan në drejtimin arsimor, mandej ka mbaruar shkollen e Lartë Pedagogjike në Gjilan.
Punën si mësuese e filloi në shtator të vitit 1999 në shkollën fillore “ Metush Krasniqi”, në Roganë komuna e Kamenicës.
Paralelisht me këtë ka vazhduar edhe studimet në Fakultetin e Mësuesisë në Prishtinë, ku mori titullin Profesor i Mësimit Klasor.
Në vitin 2015 regjistroi studimet master në drejtimin Psikologji në Prishtinë ku i mbaroi me sukses në vitin 2018.
Këtë vit ka mbushur 22 vite përvoje pune në arsim.
Është e martuar me Gazmend Kryeziun dhe kanë dy fëmijë, vajzën Enin 22 vjeçe dhe djalin Etnikun 13 vjeçar.
Krahas shkollimit ajo është marrë edhe me shumë aktivitete të tjera, në aspektin profesional në trajnime të ndryshme, konferenca (aktiv dhe pasiv), ka qenë pjesë aktive në organizata të ndryshme gjithmonë në shërbim të arsimit, nxënësve dhe komunitetit ku jeton, duke u pajisur me certifikata e lëvdrata e mirënjohje të shumta nga institucionet arsimore, por edhe direkt nga Ministria e Arsimit.
Pos kësaj është marrë edhe me aktivitete kulturore, artistike e letrare duke kënduar si fëmijë dhe e rritur nëpër festivale, ( deri ne vitin 1996)
Po ashtu ajo ka moderuar ngjarje arsimore, aktivitete humanitare e kulturore, aktivitete vullnetare, akademi të shumta përkujtimore e ngjarje të ndryshme që janë organizuar në komunë e rajon.
Mbi të gjitha ajo admiron tek vetja punën vullnetare që ka bërë ndër vite dhe vazhdon ta bëj edhe tani me shumë kënaqësi e dashuri.
Pasioni i saj është shkrimi e leximi dhe pritet që në të ardhmen e afërt të botojë një libër me poezi. E adhuron shumë artin e kulturën në përgjithësi.
Edhe tani, vazhdon të jetë aktive, punon me energji të madhe pa u lodhur asnjëherë gjithnje në shërbim të nxënësve, komunitetit e shtetit.
“Të punosh me fëmije është ndjenja më fisnike e njerëzore që mund të përjetosh.
Konsideroj se puna në arsim nuk është aspak e lehtë , nuk është vetëm profesion, por është një mision i shenjtë, i cili nuk ndalon kurrë ,ështe art, shkencë, lodhje e kënaqesi njëkohësisht”, thotë Belgizarja. Ajo gjithnjë ka punuar me dinjitet të lartë, e përkushtim të madh, është munduar të jap kontributin maksimal vetëm e vetëm që fëmijët të arrijnë rezultate në arsim dhe të përgatiten për jetë
Ky është qëlimi i çdo mësimdhënësi, t’i shoh nxënësit e vet të suksesshëm, të aftësohen për jetë dhe të bëhen qytetarë të përgjëgjshëm në mënyrë që ti kontribuojnë familjes, vendit
dhe komunitetit në përgjithësi. Ajo thotë se suksesi është rezultat i vulnetit e këmbënguljes dhe porositë të rinjtë që asnjëhere mos të heqin dorë nga ambiciet e veta, pavarësisht vështirësive e sfidave që na dalin në rrugë.
Tani ajo gëzon një respekt të madh në vendin ku punon e jeton , në rrethinë e më gjerë.
“””””””””””””””””””””””””””””””””””””””””””””””””””””””””””
Nga shtypi i kohes morem per ribotim kete shkrim detikuar mesueses ne fjal.
MËSUESJA NGA ROGANA
Beteja për shkollën kombëtare shqipe dhe dijet në shkollat tona është e domosdoshme, dhe qytetëruese. Arsimi ka qenë, është, dhe do të jetë forca jonë gjigante në kalimin në të ardhmen. Për ta bërë këtë kalim atdhetar e qytetërues, ( më thotë Belgizare Hyseni- Kryeziu, mësuese në Roganë ), shqiptarët duhet ta kenë një Planprogram për të gjithë shqiptarët.
Jam e përkushtuar në edukimin dhe mësimdhënien sa më cilësore të nxënësve të mi, shprehet mësuesja Belgizare. Për 15 vjet të punës sime dhe të angazhimit tim në Shkollën Fillore „Metush Krasniqi“ në Roganë, kujtoj se kam bërë atë që duhet bërë. Nxënësit e mi e kanë nxënë kuptimin e ligjërimit, kuptimin e gjuhës dhe shkrimit, dhe kuptimin e vlerave historike dhe kuturore të popullit tonë. Dituritë e thella janë vlera të kohës sonë. Zhvillimet teknologjike në arsim japin shumë mundësi të marrjes së diturive. Nxënësit e mi, më thotë Belgizarja, e flasin dhe e shkruajnë drejt e bukur gjuhën e letërsisë, identitetin suprem të qenies sonë.
Mësuesja, Belgizare Hyseni-Kryeziu u lind në vitin 1974 në fshatin Breznicë të Bujanocit, nga prindërit; babai Hyseni, dhe nëna Elmazja. Belgizare Hyseni-Kryeziu shkollën fillore e kreu në vendlindje, të mesmen në Gjilan, ndërsa Fakultetin e Mësuesisë në Universitetin e Kosovës, në Prishtinë. Jeta e mësues, dhe këngëtares së talentuar, spikeres, dhe moderatores së shkëlqyer, në tubimet popullore për Çlirimin e Kosovës, Belgizare Kryeziut, është plotë beteja pune dhe suksesi. Dashuria për shkollën, dashuria për atdheun, dashuria për kulturën e popullit tonë, mësuesen e Roganes, Belgizare Hyseni – Kryeziu, e bëjnë vërtet mësuese të dalluar, dhe të rrespektuar.
Jeta ime me nxënës është bota ku unë bëj krijimin. Thellësitë dhe gjerësitë e diturisë janë të pafund. Fal gjuhës së letërsisë, nxënësit e mi, shprehet mësuesja Belgizare Hyseni- Kryeziu, mund të marrin dije nga më cilësoret për moshën. Për 15 vjet punë që jam mësuese në Roganë, çdo çast me nxënësit unë e përjetoj si çast të parë. Jam krenare për punën që bëj. Shkolla fillore „Metush Krasniqi“ ka 368 nxënës, dhe 35 arsimtarë. Me këtë shkollë e kam jeten time të mësuesisë.
Në Roganë ku unë jetoj, plotë e kam kraharorin me liri, dhe të mirat e lirisë. Në Shkollën Fillore “Metush Krasniqi”, ku unë punojë kemi një atmosferë të mirë pune dhe kolegialiteti, dhe jam jashtëzakonisht e nderuar. E ndiejë veten të gëzuar, që shumë nga nxënësit e mi, tani janë studentë nëpër Universitetet e Kosovës.
Liria e Kosovës më thotë Belgizare Hyseni-Kryeziu, është mundësi e madhe në arsimin tonë bashkëkohor. E kaluara jonë nuk krahasohet me të sotmen. Unë shkollën e mesme e kam kryer në Shtëpitë-Shkollë. Kushtet e mësimit atë kohë kanë qenë nën rrethim policor. Por, fal atdhedashurisë të arsimtarëve për shkollën, dhe vullnetit të nxënësve për më shumë dije, ia kaluam edhe armikut dhe bëmë historinë. Mësuesi i Kosovës sot ka planprogramet e Kosovës së lirë, dhe ligjëron historinë dhe kulturën e popullit tonë me të gjitha vlerat dhe cilësitë e kohës. Udhës shumë gjëra do të plotësohen.
Rruste, unë jam e diplomuar për pedagoge, por, letërsinë, këngën popullore, dhe folklorike, etnikumin e vendit tim, e kam për zemër, dhe në zemër. Jam një çik kurnace dhe pak e druajtur në dëshirat e mia për këngën dhe poezinë. Në Luftën e UÇPBM- së, e tërë familja ime, në Breznicë, ishte në krah të Kryengritësve të Luginës. Në kohën që po jetojmë, tregon mësuesja Belgizare Hyseni- Kryeziu. Unë nuk jam pa ëndërr, pa dëshirë të kombit dhe atdheut. UÇK-ja i dha dritë dhe shpirt Kosovës.
Unë i takoj dy shekujve, atij që iku, dhe këtij që jam. Profesioni i mësueses më pëlqen shumë, dhe këtë punë e bëj me shumë pasion. Në sferën e familjes më thotë Belgizare Hyseni-Kryeziu jam e kënaqur; kam dy fëmijë, një vajzë dhe një djalë. Bashkëshorti im, Gazmend Kryeziu, me profesion është Magjistër i Farmacisë, ai më ndihmon shumë, në krijimin e kushteve për punë. Unë dhe Gazmendi punojmë pandërprerë me fëmijët. E ardhmëja na do të ditur, dhe të edukuar kombëtarisht. Fëmijët e mi, Enisa dhe Etniku, përveç mësimeve që marrin në shkollë, ata kanë marrëdhënie të mirë edhe me bibliotekën në shtëpi, dhe bibliotekën në shkollë.
Rogana, ku unë jetoj dhe punoj, më pëlqen shumë. Kushtet dhe punë ( në kushte fshati ) janë të kënaqshme. Rogana nga këdvështrimi tim lirik, ka një pamje të pjatës së zgjeruar. Në Roganë, me pak investime mund të krijohen shumë vende për çlodhje, rekreacion, dhe aktivitete sportive. Në kohën e lirë ose mbrëmjeve, në kraharorin tim, vargje të pashkruara ndjekin njëra- tjetrën. Në krijimet e mia në poezi fjala mbetet e para. Rogana është fshat i arsimuar dhe me qytetari të formuar.
Rogana është fshat i arsimuar, dhe ka 6 doktorë të shkencave, 21 magjistër, 13 shkrimtarë, mjekë, inxhinjerë, farmacistë, profesorë të profesioneve të ndryshme, kompozitorë, pikorë, skulptor, sportistë kombëtar dhe ndërkombëtar, regjisorë me çmime ndërkombëtare, pilot, gjeneral, dhe kuadro nga të gjitha profesionet. Në Roganë pjesa dërmuese e të rinjëve janë me diplomë Universiteti. Fshati Roganë ka mbi 3 mijë banor. E kaluara e Roganës është ende e pashkruar. Në Roganë sot kemi rreth 230 biznese. Ndërtimi i shkollës së mesme në Roganë, Roganën për çdo ditë e ma tepër i ngjan qytetit.
Rogana me pamje të pjatës së zgjeruar, është si ( Unazë ) për 11 fshatra të Komunës së Dardanës dhe Komunës së Bujanocit. Gjatë një shekulli luftë kundër armikut serb, Rogana i dha lirisë së Kosovës, 75 dëshmorë. Në kohën e lirë, rrëfen mësuese Belgizare, jo rrallë, në mua troket muza, me vargje të çastit. Në këtë jetë kështu s´i është, dashurisë të gjithë i përkulemi. Jeta i do sukseset dhe kremtimet e saj. Unë lexoj vazhdimisht letërsi, art, dhe shkencë, më thotë mësuesja Belgizare Hyseni-Kryeziu.
