ËNDËRRIM
Më zuri gjumi mbi gjethet e vjeshtës,
Era trupin ma mbuloi me frymën e saj plot ngjyra.
Vetëm një gjethe e zverdhur, mbi buzë më ra,
Me lotin që shkundi qerpiku gjethi u tha.
Vjeshta më shtrëngoi në të ëmblin krahëror,
Në male e fusha fluturoi, si një zanë më zbukuroi,
Bukuria e saj gjithë zogjtë pranë i mblodhi,
Në ëndërën e dasmës, këngës t’ia thonin.
U zgjova pranë Drinit, pranë ujit të bekuar,
Me vello të bardhë me ngjyra zbukuruar,
Me gjethe mbi buzën që loti e kish tharë,
Lundrova në ëndrrat se malli më kish marrë.
Ju uroj fundjavë të mbarë!
