KRISHTLINDJE
Këtë vit
Pemën e krishtlindjeve e desha të gjallë
Me aromë jodi
Ndaj vendosa t`mos e blej si rëndom në dyqan
Më mjaftoi një degëz e vogël pishe
Në kodërzën e gjelbëruar aty pranë
Nuk e ngarkova me shumë zbukurime
Se m`u duk aq e brishtë
Se m`këputej u tremba e ndjeva frikë
Qafën elegante e belin e hollë
Ia stolisa veç me një shiritë dritë
Nuk desha t`ia kërrusja shpinëzën e njomë
As degëzat krenare që synojnë lartësitë
U bëra si fëmi, u ndjeva fëmi
Nën krahët e pemës, shpirti m`u mbush dritë
E paqtë si fëmi pema e krishtlindjes sime
Si paqja që ka kaq shumë nevojë kjo botë
Ndjeva se mbi pemë, zbritën të gjitha perënditë
Që largonin tutje dhimbje e lotë
Gumëzhin shtëpia nga lutje të bardha
Me shpresën që më i mbarë të vijë ky vit
Me zë krahërori shqiptova lutjen time
Dhe m`u bë se ajo u bashkua me perënditë
I bardhë e i mbarë ardhsh o vit i ri
Më I mbarë e më I paqtë qoftë ky vit!
Lola
Shkelqim Shehi
