Lamtumirë, trajner i ndritur i futbollit beratas dhe atij kombëtar,
Guxim Mukli
Sot paradite në Berat, në varrezat e Burdulliasit, u përcoll në varrezë, trajneri i shquar, qytetari i kulturuar, prindi i paharruar,
Guxim Mukli.
Qytetare dhe sportistë, familjarë, dhe tifozë të “Tomorrit” i dhanë atij përshëndetjet e fundit në ish kinoklubin Tekstilisti, në sallën Emiliano, ku u vendos arkivoli me trupin pa jetë të njeriut me vlera sportive…
Ishin në nderim qytetarë dhe sportdashës, tifozë të “Tomorrit”…por dhe figurat e mirnjohura të futbollit beratas,
Përparim Kovaçi,
Nard Bakalli,
Kiço Mile…
Turpësisht, munguan në ceremoni dhe fjalë rasti, autoritete të bashkisë, por më e shëmtuara, për ta shfaqur hapur, përfaqësues të klubit sportiv Tomorii…
I vetmi autoritet përfaqsues sovrani,
Deputeti Fadil Nasufi.
Guxim Mukli u mbulua me kurora me lule shumëngjyrëshe dhe të gjithe pjesmarrësit hodhën një lopatë në varrin e tij…si përkujtim i veprës dhe arritjeve qe kurrë nuk i ka arritur më klubi sportiv dhe bashkia e Beratit!
Lamtumirë, miku i qytetarëve të vërtetë,
Guxim Mukli!
Nuk do të harrojmë!
Foto nga varrimi…
Në foton e fundit, mjeshtri goleador i rrallë, “nxënës”i shkëlqyer i trajnerit Mukli,
Përparim Kovaçi…
