E pabesueshme por e vërtetë!
Ndahet nga jeta
Pelivan Shatri,
njeriu që në postmonizëm ka dhënë kontributin e tij të veçantë në PS të Beratit dhe pluralizmin e qytetit, publicist dhe prefekt i rrethit!
Sëbashku kemi punuar jopak kohë, në ato kohë vështirësie të mëdha; shpesh në harmoni dhe rrallë në kontradiksion mendimesh, idesh, veprimesh partiake e qytetare…
Pelivan Shatri mbetet, sipas meje, në përshtypjet e socialistëve të rrethit e më gjerë, njeri gjithmonë dinamik, i gjallë, punëtor, temperament ekspresiv, kundërshtues, argumentues, vetveprues!
Si nënkryetar i PS që në fillimet e saj luftarake, ai punoi pa u lodhur të konsolidonte PS në momentet më te vështira, kur dhe një pjesë e madhe intelektualësh të qytetit gjer dhe ish komunistë, rendën drejt PD, ku shiheshin privilegje të reja dhe kishte një frenim të të persekutuarëve të vertetë që rendjen e “grykësave” me të drejtë e shihnin si pafytyrësi të këtyre “intelektualëve”!
Pelivani mbetet një nga kuadrot solide të pluralizmit, që i dha shumë qytetit të tij, pavarsisht se këmbëngulja e tij për të realizuar qëllimin me cdo kusht, ndonjëherë binte ndesh dhe korrigjohej shpejt nga vetja e tij dhe argumentat e kolegëve në PS dhe drejtimin e prefekturës!…
Kalimi në pozicion tjetër larg PS që e konsolidoi me duartë e tij dhe të shumë shokëve, anëtarëve, duhet parë më shumë, sipas meje, nga pasrrjedha e viteve 2000 ku, nën influencën e etheve për pushtet dhe SUNDIM të PD, edhe PS e pasviteve 2000, ra nën këtë vorbull korrupsioni e papërgjegjësie gjë që, duket edhe sot, shkoi gjer në ndarje duke u krijuar LSI tek e cila besonte Pelivan Shatri, se mund të luftonte padrejtësitë, tarafet, korrupsionin, por si më tregonte, pak vite më parë, “ika nga shiu dhe rash në bresher!” Më shumë se i “përfituar” nga LSI ndihej i dëshpëruar, i traumatizuar!…
Eshtë koha, ku pësoi dhe atak kardiak…edhe nga këto diziluzione parimore!
I fundit takim me Pelevanin sebashku me Dashnor Kuçin, kur pamë kanalizimet e reja të pedonales, me tuba joshumë funksionalë, sipas të treve pasi nuk do përballohej piku i ardhjes së ujrave nga kodrat e qytetit dhe dalja e lumit Osum. Jam i bindur tha, se “do përmbytet pedonalja, por kush dëgjon, nuk jemi në kohën e dëgjimit të një socialisti…jemi në kohën e komandimit nga lartë…” dhe fjala i doli shumë shpejt, dhe ai pa me dhimbje e sy përmbytjen që sërish rrezikon…
Pelivani nuk jeton më, fizikisht, por jeton si politikan, prefekt i Beratit, si bashkëthemelues i gazetës socialiste “Berati-Vizioni eurosocialist”, si qytetar dhe si familjar i rregullt. Ikja e tij është e trishtueshme, jo vetëm për familjen, por dhe për të gjithë ata që e kanë njohur, punuar, zgjidhur probleme ! E mori Kovid 19 shumë para kohe! Trishtim!
Nuk do të harrojmë, kolegu dhe miku ynë luftarak në kohërat më të vështira të fillim pluralizmit në Berat!
Ngushëllime familjes!
