Potja
Poetja-Lumturi Lume Plaku sot feston pervjetorin e ditlindjes.Gazeta “Nji Dritare e Re” i uron poetes shendet dhe lumturi ne jete,krijimtari te bodhsheme.Gezuar.GjinMusa
FLAMURI IM….
Sot shetita ne çdo shtet
botën mbarë
e shikova një për një, flamujt e tyre …
S’më pëlqyen!
Ca me viza, ca zikzake, ca shirita ngjyra, ngjyra,
ca dhe shqipen tonë kopiuar,
por shëmtuar, deformuar…
Asnjë s’ngjan e s’i afrohet bukurisë,
madhështisë, krenarisë së shqipes tonë dykrenare,
mbi tesutin gjak të kuq të heronjve, luftëtarëve.
Valvitja flamurit tonë,
lulëkuq, nëpër fusha, male, kodra
e ndër gjithë trevat shqipëtare…
dridhja e tij si purpurimë prej flladit lehtë,
hyn, dridhëron në zemrën time, më gjallëron e më jep jetë.(L.PLAKU)
GEZUAR FESTEN E FLAMURIT MIQ TE DASHUR!
“””””””””””””””””””””””””
Iku, shkoj edhe një vit
i sëmurë e i topallepsur
i mbushur me pa njohuri
me pyetje ç’do sjell e nesërmja.
Vit me rrugë si barku bosh,
ku kaloja e veten s’njihja,
ndër to, duke ecur kot’
as fund, as fillim, s’ja shihja.
Vit me ca rrugë rrepirë,
që mbaronin në humnerë,
e unë mbahesha me thonjë
e fortë me dhëmbë të mos bjerja.
Ketij viti i pash rrugë boshet,
me sirenat vërrdallë, llahtar,
me rënkime e me ankthe
me diellin e ditës, vrar.
Plotë rrugë qëlluan të shkreta,
si ngjitja e malit perpjetë
me ngrica e erëra të egra,
që kërkonin e merrnin jetë.
Iku, iku dhe një vit,
më lodhi si deshi vet,
bëri vetëm një të mirë,
se mĕ la në këtë jetë.
