Majlinda Zeqiri-Shaqiri

Shkruaj zërin e britmave tua,

Shtrirë në tinguj dhe nuanca,

Përshkruaje dhimbjen,

Pentagram i notave tua,

Dhe shkruaj,

Mos gërvisht gishtin me dhëmbë,

Detin mos mbaj në grusht,

Derdhe lotin dhe shijen e njom,

Aty në pentagramin tëndë,

Thuaj,

Natyrën e heshtjes sate,

Shkruaje në kopshtin e rinisë,

Aty rriti trëndafilat,

Dhe mos thuaj,

Ngjyrat e verës më shumë i dua,

Ndërto stinën me zhurmat e tua,

Nuancat e saj vizato,

Trëndafilin e ëndrrave,

Mbaje pikturë të varur në mur,

Si orë drite shtigjeve tua,

Busulle nën këmbë!