“Shpirtërat në inflacion”
Zoti e lejoi Njeriun të jetë qenia më e zgjuar
e Botën të drejtojë
pas rebelimit të Satanait e mëkatit të Evës dhe Adamit;
frerët e Botës Ai i lëshoi.
Nuk di në pati thjesht besim se Bota njëlloj do të funksiononte,
a e mundi zemërimi nga rebelimi dhe mëkati prej bijëve të tij?!
Por, që nga ajo ditë e sot të kalbura janë rrënjët e mollës së mëkatit
dhe bashkë me të po kalben çdo ditë e më tepër dhe zemrat e njerëzve.
Kjo Botë që pretendohej të ishte e përjetshme
po shuhet ngadalë,
zemrat janë mbushur zili e urrejtje,
mjerimi e ka rrethuar nga çdo anë!
Në Piedestal qëndron Urrejtja,
Mashtrimit himn po i thurrin,
me lavdi e lajka është veshur Gënjeshtra,
Mjerimin Shpirtëror po e lartësojnë, po i ngrenë kult.
Se shpirtërat njerëzor kanë pësuar Inflacion,
llogaritë gabim janë bërë,
kjo Botë është kalbur që në rrënjë
se frutin e mëkatit vazhdojmë të hamë!
Marinela Velaj Likaj
20/02/2021
