Mëngjesit, dita e re kur vjen,
Lind bashkë me purpurinë e agimit.
Një dorë e zgjatur si ylberi,
Merr trajtën e një ure kalimi.
Përflaket hapësira në ditën e re,
që vjen gjithmonë pas agimit.
Secila stinë të falë ngjyrat e jetës.
Çdo ditë le pas imazhin e një kujtimi.
Dritat e verdha të neoneve,
ngjajnë si xixëllonjat, që presin agimin.
Tisi i natës ka misterin e pritjes.
Udhëtimi i natës nuk e humb drejtimin.
Mëngjesi i ri zgjon endjen e shpirtit.
Gjethet e pemëve vallëzojnë me potere.
Zogjtë fluturojnë gjithandej të shkujdesur,
duke lëshuar mijëra cicërima ndjellin njeri tjetrin!!
Marjeta Musaraj!Data/25/9/2021!
“””””””””””””””””””””””””””””””””””””””””””
Titulli
BUKURIT E NATYRES!
“”””””””””””””””””””””””””
Jetë e vështirë
Jeta rrjedh si burim i rrëmbyer,
por etjen nuk ta shuan asnjëherë.
Nëpër gurgullimat e saj mbajmë frymën,
duke përcjellë ditënetët
e pagjumë.
Ecim dhe askund nuk ndalojmë,
se nuk ka stacione pritje apo shplodhje.
Drita e hënës endet në brigjet e largëta.
Kërkon të gjejë motivet e humbura!
Shpirti joshet me yjet në qiell.
Gjithsecili humbet në universin unik.
Ngarkuar me rrompamat e fatit,
Në luftë me sfidat e realitetit mistik.
Pas reve të dendura fshihet dielli i jetës,
Por ne kërkojmë me ngulm rrezet e shpresës.
Melodinë e tyre ta kemi pranë vetes.
Që të kapërcejmë labirintin e rrugëve, ngarkuar plot me halle e derte!
Marjeta Musaraj!Data/14/9/2021!
