Gjurmë të humbura…
Ditëve shkundim
pikëllimin e netëve të zbrazëta
me flatra të arta nisim rendjen
në pyllin e ëndrrave të dritës
U druhemi të panjohurave
duke mos shkelur në kurthin
e shpresave të rreme,
as mbi kujtimet e ngurta të së shkuarës
në gjurmët e kohës
Mbështillemi me qiell
për të thithur lirinë
e rendim derisa lodhemi
për të pushuar në zbrazëtinë
e shpirtrave sipër reve…
