Për ty,Kosovë!
Kosovë,o bijë e flakëve!
Prej plagëve,të pikon ende gjaku i bijve,
atyre që ta gdhendën historinë
në çdo shkëmb e gur
e në fushë të betejës ranë fli
për tokën e të parëve,për flamur e liri.
Kosovë,o tokë legjendare!
Zëri yt ushton qiellit për bashkim.
I madh e i vogël të përkulen në gjunjë,
e për emrin tënd me gërma shpirti,
çdo trim kthehet në martir.
Kosovë,moj lule gjaku!
Që çel dyert për Drinin poetik,
çdo vit ngrihesh më e bukur.
Moj nënë e madhe plot lavdi
që rend shekujve me krenari dardane!
Shenjtërinë ngritur ke në Zot,
I bekon poetët me shpresë e dashuri
e ata me vargje diellore të drejtohen,
Ty,o dhimbje malli për Shqipëri!
Ringritur gjithmonë më e fortë mbi çdo stuhi!
E nderuar përjetësisht nga bijtë e ty,Ibrahim(Rugova),Rexhep(Qosja) e Sabri(Hamiti)!
Marjeta Shatro Rrapaj
