Kokrrat e ftonjve
Në ëndërr vjeshte,si Adami e Eva
ecim të dy në kopshtin me ftonj.
Kokrrat e verdha na ftojnë në mëkat,
veç nuk i kafshojmë
se janë shumë të forta
si e pamundura që na tundon shpesh,
por nuk e prekim dot
e të uritur mbetemi gjithmonë…
Marjeta Shatro Rrapaj
“”””””””””””””””””””””””
Meridianë
Nuk ka më lojëra,
nga ato,
që shpesh rutina i pleks
shtjellave mendime,izolime,
kufijve të zemërimit të përbotshëm,
etje, për eksplorim,
lojë shqisash, ndjenjash,
dëshira të zjarrta,
e më pas përbuzje gjer në herezi,
thyerje të ditënetëve,
arratisje prej botës së rreme,
ëndrra të përbashkëta, egoizëm.
Ky zgjim i ri, na ka tjetërsuar,
dy meridianë të largët,
pa asnjë pikë takimi!
Marjeta Shatro Rrapaj
