Ja pse!
Përhumbemi në magjinë e diellit,
dallojmë senset e fshehura,
sepse rizgjohen vizionet e ritmeve,
aritmitë shqisore,
në padukshmëritë iluzive.
Shtresohen ngjyrat,
mes paqartësive ngatërrestare,
çrregullësive superane
e memecërive ulëritëse.
Për të folur për harmoni tingujsh,
për rregullësinë e botës së çmendur
për ndarjen e ngjyrave nga njëra-tjetra.
… për përzierje të pazbërthyeshme,
për të ndier fjalë e për të shijuar forma,
për të dëgjuar tinguj
e për të nuhatur fragranca…
