Mirësevjen o Maj!
Me buzët e trëndafilta dehna e mpina shikimin,
me gjembat e fshehur çirrna ndjesitë,
se me sytë drejt qiellit kërkojmë yjet që ndritin,
kur dielli ynë ka perënduar bashkë me bukurinë
e nuk mund të flasim për ëndrra e përralla pamundësie në emër shenjtërie
se nëse nuk fituam gjë në këtë jetë kotësie
borxhet do t’i lajmë në botën e Ferrit të përtejmë.
“”””””””””””””””””””””
Kalofshi një ditë të bukur!!!
Libri është drita e zemrës,
pasqyra e trupit,
Drejtoria e Virtyteve,
shkatërruesi i veseve.
Kurora e prudentit,
diadema e të mençurve,
Nderi i dijetarëve,
ilustrimi i të drejtit,
Shoqëruesi i udhëtimit,
shërbëtori besnik i Zotit,
Mik në bisedë,
kolegu i kryetarëve;
Një vazo plot mençuri,
rruga e drejtë e elokuencës,
Një kopsht plot me fruta,
një livadh mbuluar me lule,
një det batica e të cilit është gjithnjë e qetë,
parimi i inteligjencës,
themeli i kujtesës,
armiku i harresës,
miku i sovranit.
“””””””””””””””””
Përshëndetje!
Si jeni?
Në ëndërr çfarë sheh?
Shpëtoje veten nga makthet.
A ju pëlqen vetmia ,
Duke shkuar në rrugën tënde
Udhëtari i rrugës në pritje të madhe…
Marjeta Shatro Rrapaj
“”””””””””””””””””””””””
Ëndërr pranvere
Ka netë që hëna fle mbi barin e korrur,
kurse retë lëvizin qiellit kuturu.
Edhe mendimet rendin pas xixëllonjave
e ato pas petaleve të luleve shpërndarë në erë,
verbuar nga drita e bardhë nuk mund të flesh.
Shtegton gjumi udhëve të zbrazëta natore
shoqëruar nga kënga e bulkthave,
deri në zbardhjen e ditës së re,
ku zogjtë kërcejnë degëve të kumbullave
e në zemër ndizet dielli që e than trishtimin e të bën me krahë të flatrosh mbi dhimbjen.
Ringjallet ndjesia e gjallimit prej ngrohtësisë së dashurisë
e rrjedh me gurgullimën e ujërave,
harlisjen e barit,fëshfërimën e pyllit të largët.
Fjalët e paqta hapërojnë përjetësisë së kohës.
“””””””””””””””””””””
Erdhi koha
Për fshirjen e virtuales,
Varësia në fijet e shpirtrave,
Heqja e kufijve të psikikës,
Dalje nga mpirja e delirit teknologjik.
Në betejën e zemërimit qajnë iluzionet.
Duke pritur nënshkrimin e paqes me veten.
Marjeta Shatro
