Me penen brilante te Leke Imeraj

Tipi shpifës (intrigues)

Tipi llafazan, shpifës, intrigues, gjëndet kudo. Vështirë se mund të gjesh një karrike diku, pa një shpifës afër teje.

Ky tip, sajon intriga për të tjerët dhe, i tregon ato, me shumë kënaqësi. Ka një fantazi të jashtzakonshme. Nuk e vret mendjen fare se, me shpifjet e tij, ai mund të demtojë rëndë dinjitetin dhe imazhin e tjetrit. Edhe nëse mund t’i shkatrrojë gjithë jetën tjetrit, ai vazhdon punën e vet. I jep shumë rëndësi vetes, si i mirëinformuar për gjithçka, paraqitet sa më i ditur dhe tregohet shumë i guximshëm, në mbrojtje të trillave të veta. Nëse e ka vënë kundërshtarin e vet në shenjester, as që i intereson fare për pasojat që mund të pësojë. E vendosë në qendrën e rrethit përvlues duke shtuar sa më shumë numrin e armiqve të tij. Ai atë dëshëron, sa më shumë pasoja tek viktima. Kënaqet me duartrokitjet e të tjerve për shpifjet e veta.

Eshtë tip shumë i demshëm, në familje, shoqëri, punë dhe kudo. Ti ke përballë një shpifës, intrigant, llafazan, genjeshtar, sigurisht që ndihesh keq. Eshtë i vështirë, i keq dhe i demshëm për të gjithë. Shpifësi dhe vrasësi, nuk kanë ndryshim për nga qëllimi. Të dy kanë si qëllim asgjesimin e viktimës që kanë zgjedhur. Ndryshojnë vetëm mjetet. Shpifësi përdorë intrigën, „pushkën“ pa zë.

Mundohu t’ia mbyllësh gojën që në fillim! Nëse jo, largohu menjherë prej tij. Ashtu siç ka vënë në shenjestër dikë, për të cilin të flet ty, mund të të verë edhe ty, menjiherë, në shenjestër. Eshtë punë kohe. L/Im