Me penen brilante te poetes.Gjelina Maçi Keçi

Kur kujtesën e gdhend koha

Kushtuar luftëtarit Mark Preç Merit që drejtoi forcat kryengritëse shqiptare të Malsisë së Selcës e Kelmendit në luftë kundër pushtuesve Shovene – Malazeze ( shkjaut te Malit të Zi) në vitin 1913.

Po nxin Selca e Kelmendi

Shkëmb e dhe u banë prushnajë

Po lëviz sofra dhe djepi.

Për atë lajm të zi që dhanë.

Po shikon atë Mark Preç Merin

Që po iu prin burave ndër lisa.

Prek kreninë me ta Kelmendi

Gurrë e shkrepa bahen plisa.

S’ma uli kryet as krajli, as mbreti.

Jam në tokën time brez pas brezi.

Nuk ia vën ti duart djepit

Pa m’u shua krejt gjaku i Skënderit!

Bash si çakejtë don me hy,

Me plaçkitë ti shpi më shpi.

Se me gjak të tjerëve je ushqy

Me vra gra e me vra fmijë.

As e dini se jam Mark Preç Meri?

Jam shqiponjë që zmbraps taborret.

Buçet bjeshka te Kelmendi.

Nuk të la me m’çermu vorret!

Po piskon Lokja te veku

Me barut mbushet Lugina.

T’u baftë fjala bash direku

O Mark Preçi, trim mbi trima!

•

Po zgjon Nora fjalën e besës

Gem e n’gem thrret liria.

Dhe një gur t’i mbesë bjeshkës.

Do jetojë shqiptaria.

Tash sa vjet kuqon kujtesa

Si livadh që pret gjelbrimin

Historinë e vesh legjenda

Dhe lavdia ndjen rizgjimin.

Gjethon mali vitet ecin

Gëzon tel i çiftelisë

Besë të re kërkon Kelmendi.

Jemi rojë të lirisë.

Që nga Lezhë e Skënderbeut

Të kujtojmë, o Mark Preç Meri

Me ty prek lavdinë e dheut.

Dhe kuvendem brez pas brezi.

Gjelina Maçi Keçi

“””””””””””””””””””””

DASHURI E GJALLË

Mos e këput lulen për mua!

Që luftoi me ngricën për të çelë!

Ktë dhuratë , unë aspak nuk e dua…

Bijën e parë, të bukurës Pranverë!

Për një festë të tillë , nuk më kanë pëlqyer!

Vitrinave mos shiko për diamantë , e as për flori…

Se Dashuria jote, është me e vyer .

Është e gjallë e s’ka nevojë kur të kam ty .

Dua të të kem pranë , në sy të shikoj!

Me shpirt më ke dashur , e jo vetëm

në ditë si kjo.

Asgjë më shumë nga ti nuk kërkoj …

Çdo ditë është Shën Valentin , ndaj eja më përqafo ….

Se kjo jetë , nuk është si molla.

Që e blen nëpër markete.

Dua sytë , që më ngrohkan.

Shenjtërinë ta kem me vete.

Dua dehjen e përqafimit.

Të më ngrohë ditën, natën.

Në këtë botë të marrëzimit.

Të fitojmë , përmbi shtrëngatën.

Mos mendo për kuletën me para,

as për tryeza , mbushur me pije!

Ty të dua të kem pranë.

Me dallgëzim dashurie.

Gjelina Maçi Keçi

Dt/14/ 2/ 2021 /

“”””””””””””””””””””

Dëborë e parë

Qielli sot , është veshur me mantel të veçantë !

Lulja e parë , ka hap syrin për të dalë!

Toka buzë bregdetit ,ka hedhur vello

të bardhë ..!

Gëzojnë fëmijët me deborën e parë!

Dielli thotë: nuk jam zëmëruar.

Do ja lë dhe ketë ditë , Shkurtit gri !

Me dëborën , ditëve të fundit ai po luan.

Që nga nesër , do ju mbush plot dashuri…

Lulja jo nuk do ketë të ftohtë !

Për të unë jam kujdesur, qe të mos thahet…,

Dëbora e fundit ,me petkun e saj,

e mban ngrohtë ..,

Rrënjet e lules , serish me Pranveren do përhapen…!

Me penen brilante te poetes.Gjelina Maçi Keçi

Kur kujtesën e gdhend koha

Kushtuar luftëtarit Mark Preç Merit që drejtoi forcat kryengritëse shqiptare të Malsisë së Selcës e Kelmendit në luftë kundër pushtuesve Shovene – Malazeze ( shkjaut te Malit të Zi) në vitin 1913.

Gjelina Maçi Keçi

“””””””””””””””””””””

Gjelina Maçi Keçi

Dt/14/ 2/ 2021 /

“”””””””””””””””””””

Gjelina Maçi Keçi

Dt/ 13 /2/ 2021

LINI NJË PËRGJIGJE Anulo përgjigjjen

SHKRIMET E FUNDIT