SONET PËR LIRINË
Liria është shpresëbadhë dhe të falë qetësinë,
Sa herë kur vjen, pulset e zemrë rrahin prore,
Kur vapa përcëllon, si fresku krahët i shtrinë,
Pëshpërit ninulla të dëlira si vesë mengjesore.
Liria është aortë zanoresh të bëra fushbetjave,
Ia beh sfondit t’mbamendjes sa herë nuk bëzaj
Me lule nuk mbulohet dot lavdia e dëshmoreve
Të lëndon sa herë që nuk e kërkon fuqinë e saj.
Me shëlbesë farkon në dashuri akujt e urrejtjes
Me tërë përmasat e dritës prek butësinë shpirtit,
Tingujt i rendit lehtas në pentagramin e shijimit.
Përmbush rruzullimin me akordet e magjepsjes
Liria përndez orkestrinën e afshit të dashurisë
Krijon një univers të ri me vargmalet e lumurisë.
“”””””””””””””””””””””
NA PASKENI GËNJYER
Me çdo gjë
na paskan gënjyer
edhe tek betoheshin
në Zot dhe Allah.
Na paskan gënjyer
edhe pêr luftërat,
se po i ndalin të fortit,
edhe për Lirinë
se ekziston mes popujve.
Na paskan gênjyer pêr çdo gjë
se po punohet për të mirën globale
për parandalimin
e bombave atomike, drogave,
trafikimit tê qenieve njerëzore.
Gënjeshtêr paska qenë
edhe ajo kur thonë,
se janë duke u munduar
të ndalin të keqen
me ato bisedime diplomacish
që vetëm nënshkruhen
sa e sa dokumente ,
e që në fund mbesin
pa u shfletuar nëpër sirtarë.
Na paskan gënjyer
me të zhdukurit
që nuk po arrijnë t’i gjejnë askund,
e mbi ta janë ngritur
ndërtesa shumêkateshë
të ministrisë së drejtësisë.
Për çdo gjë,
na paskeni genjyer
e aq shumë e kêrkuam lirinë,
por nuk e fituam asnjêherë
se njeriu për njeriun thonë,
ka qenë ujk kaherë…
“””””””””””””””””””
PRUSHI I KROJEVE TË CEMTA
Dashuria është zëri ëmbël i bilbilit,
Ëndërr e fuqishme tretet në vegim,
Më shpie pergamenave të shpirtit,
Djersa rinore me përplot drithërim.
Çuditërisht m’ rritet përpara sysh,
Lodron me zogjtë e malit fluturim
Hapëron drejt teje, e bëhet prush,
Prarohet në kroin e cemtë shqim.
Sa e sa u dasht të ta kuptoja zemrën
Tiktaket e saj, fjalët, e flakët ku digjte,
Mallin, tê bukurën dhe të shëmtuarën.
Kahmot pergamenave t’ua jam tretur,
Prore n’ zemër mbeti ëndrra në vegim,
Aroma edhe ato çaste të tonit takim.
